LEXO PA REKLAMA!

SHKARKO APP

Rrëmbeu dhe plagosi një person në bashkëpunim me 4 të tjerë/ Arrestohet 40-vjeçari në Vlorë

3 Dhjetor 2023, 09:50, Kronika CNA

Rrëmbeu dhe plagosi një person në bashkëpunim me 4 të

Një 40-vjeçar i shpallur në kërkim është vënë në prangat e policisë, në Vlorë.

Bëhet fjalë për shtetasin me iniciale A. N., i cili u kap në kuadër të operacionit policor kombëtar “Sundimi i ligjit”.

40-vjeçari, në bashkëpunim me 4 persona të tjerë, tashmë të arrestuar nga policia, kanë rrëmbyer më 19 janar të vitit 2023 shtetasin G. O. Ata e kanë mbajtur këtë person me forcë në makinë, e kanë plagosur rëndë me sende të forta dhe më pas e kanë lënë pa ndjenja në rrugë.

Lidhur me këtë rast, Gjykata e Shkallës së Parë të Sarandës i ka caktuar 40-vjeçarit masën e sigurisë “Arrest në burg”, për veprat penale “Heqja e paligjshme e lirisë” dhe “Plagosja e rëndë me dashje”, të kryera në bashkëpunim.

Ndërkaq, materialet procedurale i kaluan Prokurorisë Gjykatës së Shkallës së Parë e Juridiksionit të Përgjithshëm Sarandë, për veprime të mëtejshme./ CNA

Lajmet e fundit nga