LEXO PA REKLAMA!

SHKARKO APP

"Më sill 50 mijë euro"/ U shtir si përfaqësuesi i Vilma Nushit, arrestohet i riu në Tiranë

1 Dhjetor 2023, 11:45, Kronika CNA
"Më sill 50 mijë euro"/ U shtir si përfaqësuesi i
Foto ilustruese

Policia e Tiranës ka arrestuar 29-vjeçarin me iniciale K.L. Ky i fundit dyshohet se ka bashkëpunuar me A. Gj. dhe R. B. dhe F. L. për t’i marrë shumën 50 000 euro, një personi nëpërmjet mashtrimit. Të tre bashkëpunëtorët prezantoheshin si përfaqësues të një personi publik, konkretisht si të Vilma Nushit. 

Personat me iniciale A. Gj. dhe R. B. janë arrestuar më herët. 

Njoftimi i Policisë: 

DVP Tiranë/Vijon operacioni policor i koduar “Repeat", i zhvilluar nga Sektori për Hetimin e Krimeve Ekonomike dhe Financiare, në bashkëpunim me Forcën e Posaçme për Operacionet Speciale dhe Kërkimin, në DVP Tiranë.

Vihet në pranga një 29-vjeçar, i cili dyshohet se ka bashkëpunuar me 3 shtetas të tjerë (2 të arrestuar gjatë operacionit, 1 në kërkim), për t’i marrë një shumë parash një shtetasi, me anë të mashtrimit. Sekuestrohet 1 celular.

Specialistët e Sektorit për Hetimin e Krimeve Ekonomike dhe Financiare, në vijim të punës për goditjen e veprimtarive kriminale në fushën e krimeve ekonomike, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, kanë vijuar operacionin policor të koduar “Repeat”.

Si rezultat i këtij operacioni u bë ndalimi i shtetasit K. L., 29 vjeç, banues në Shkodër.

Ky shtetas dyshohet se ka bashkëpunuar me shtetasit A. Gj. dhe R. B. (të arrestuar) dhe me shtetasin F. L. (në kërkim), për t’i marrë shumën 50 000 euro, një shtetasi, nëpërmjet mashtrimit, duke u prezantuar si përfaqësues të një personi publik.

Në cilësinë e provës materiale u sekuestrua 1 celular.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme./CNA

 

 

Lajmet e fundit nga