web counter
LEXO PA REKLAMA!

SHKARKO APP

App Store
Google Play

Gjendet i pajetë letonezi në Shkodër/ Erdhi nga Anglia për pushime me shokun shqiptar

30 Nëntor 2023, 18:13, Kronika CNA
Gjendet i pajetë letonezi në Shkodër/ Erdhi nga Anglia për
Foto ilustruese

Një shtetas letonez është gjetur i pajetë pasditen e kësaj të enjteje në Shkodër.

Viktima me iniciale L. Z. u gjet pa shenja jete nga shoku i tij shqiptar E. T. në banesën e këtij të fundit, në lagjen “Gjuhadol”.

Ashtu si letonezi, edhe shqiptari rezultojnë rezidentë në Mbretërinë e Bashkuar, por kishin ardhur në Shkodër për pushime.

52-vjeçari ka njoftuar policinë për shokun e tij, trupi i të cilit është dërguar në morg.

Sipas bluve, dyshohet se letonezi e ka humbur jetën për shkaqe natyrore, megjithatë, po vijojnë hetimet për zbardhjen e plotë të ngjarjes.

“Pasditen e sotme, shtetasi E. T., 52 vjeç, rezident në Mbretërinë e Bashkuar, ka njoftuar sallën operative të Policisë së Shkodrës, se në banesën e tij, në lagjen “Gjuhadol”, ka gjetur të pajetë shokun e tij, shtetasin letonez L. Z., 38 vjeç, rezident në Mbretërinë e Bashkuar. Nga veprimet e deritanishme hetimore rezulton se 38-vjeçari i ardhur në Shqipëri, për qëllime turistike, e ka humbur jetën për shkaqe natyrore.

Grupi hetimor ndodhet në vendngjarje dhe vijon punën për sqarimin e rrethanave të ngjarjes dhe për dokumentimin e shkakut të humbjes së jetës së 38-vjeçarit”, thuhet në njoftimin e policisë./ CNA





Lajmet e fundit nga