LEXO PA REKLAMA!

SHKARKO APP

Çkodimi i aplikacionit SKY/ Kush është trafikanti me pseudonimin “Pika”, që shfaqet në bisedat me “Dajlokun”

30 Nëntor 2023, 11:49, Kronika CNA
Çkodimi i aplikacionit SKY/ Kush është trafikanti me
Foto ilustruese

Pak ditë më parë, Prokuroria e Posaçme kreu një operacion, nga ku u lëshuan 11 urdhër-arreste, mes tyre edhe punonjës të policisë, si dhe ish-zyrtarë të lartë të policisë.

Nga çkodimi i aplikacionit SKY ECC, ranë në pranga ish-zëvendësdrejtori i policisë Tiranë, Erzen Breçani, si dhe shefi i krimeve, Dedan Gjoni, ndërkohë janë në kërkim djali i tij, Eralb Breçani, Ervin Mata dhe eksponentë të tjerë të krimit, të cilët dolën në përgjime nga bisedat në SKY, ku u zbuluan detaje nga trafiku i drogës së kokainës dhe të implikuarit në krim.

Së fundi, në emisionin "Uniko" me gazetarin Spartak Koka janë publikuar komunikime mes Ismail Zenelit me nofkën “Daja-Dajloki-Transporter”, Eralbi Breçanit me nofkën “Boli-Toni”, shtetasit Besmir Murtati me nofkën “Kukësi” dhe përdoruesit me iniciale D.P. me nofkën “Elb-Elb Nissan”.

Po ashtu gazetari ka zbuluar edhe identitetin e njërit prej pjesëtarëve të grupit, i cili kishte pseudonimin "Pika", por që u ekzekutua nga një atentat mafioz në Ekuador.

Bëhet fjalë për Ergys Dashin, i cili njihej nga autoritetet italiane si organizator i një grupi kriminal në Itali gjatë viteve 2014-2017./ CNA

 

Lajmet e fundit nga