web counter
LEXO PA REKLAMA!

SHKARKO APP

App Store
Google Play

E fundit!

x

Elvana Gjatës i del emri në mesazhet e “SKY”/ Mata-Breçanit: Po t’i dërgoj 500 mijë euro nga llogaria e saj

22 Nëntor 2023, 22:16, Aktualitet CNA
Elvana Gjatës i del emri në mesazhet e “SKY”/
Elvana Gjata

Emri i këngëtares së njohur Elvana Gjata ka dalë në mesazhet e SKY  në komunikimet mes Erzen Breçani me djalin e tij, Eralbinit. 

Erzeni ka thënë të birit se kishte komunikuar me Ervinin, e ky i fundit do t’i transferonte 500 mijë euro borxh, me llogarinë e këngëtares, Elvana Gjata e cilas ishte e fejuar me Matën.

Gjatë një komunikimi në muajin Gusht 2020 në “Sky”, konfirmohet biseda e transaksionit prej 500 mijë euro përmes llogarisë së këngëtares.

Emri i Elvana Gjatës u përfol dhe në ngjarjen në zonën e ish-bllokut në Tiranë ku mbeti i vrarë Fabian Gaxha dhe u plagosën Eljo Hato së bashku me Ervis Martinaj.

Më poshtë gjeni pjesë të dosjes hetimore ku rezulton se në datën 18 gusht 2020 në orën 00:00:39, Erzen Breçani pasi ka marrë në posedim aparatin telefonik me SkyEÇ me perdorues KOB9EP, i dërgon mesazh zanor Ç4RE2 më përmbajtje:

Erzeni: Ç’a bone a je mirë?

Në orën 00:09:50 Erzeni komunikon me djalin e tij Eralbi Breçani, perdores i SkyEÇ S7DEGI. Erzen Breçani i tregon që aparatin telefonik me aplikacionin SkyEÇ ia ka blerë Bujar Ajeti për shkak se janë përgjuar.

Babë e bir shkëmbejnë mesazhet:

Erzeni:...Persh...A eshte ky. Tini i joti... Toni. Ok. Sa e kam une apo ate që ta thash...Ma bleu Bujari me 80 dit i mushun...Ngage na kan pergjue...Ç’a je ka bani ju? Si asht Ervini?...Nuk pata kohë me të thanë se mtha mue po ti dergoj nga llogaria e elvanes 500 mij euro borxh...

E maroj punet sa t’i kalosh kto halle...I thashë jo ne asnje menyrë...I ka Eralbi po nuk ka me ç’ka i sjell tha, kam njerez une që i sjellin sa te dush. Nuk jam ka të thom me nis gja jo, po të thash se me pat than vet dhe nuk te pata kallxue se nuk nejtem bashk..

Tash sa ka i bjen ne mend hic per HEC-in me than te drejten...Nuk i thash une nismi mtha vet e i thash ne asnje menyr...Me mujt me gjet noj lek me i ruejt per noj sëmundje se fola me Bardhin e ka pas ka pague i rrug hekur e gjys pagese Ramizit e nuk kem pague as punëtoret gati një muaj jua kem shty rrogat po shof une kto dy dit e takoj do shokë me u marr noj gja që mos te rim ne mshir te fatit....

I thash Ramizit sot nuk kam lek me te dhan, tha shiko me gjej noj pun noj tender i thash pz po shof. Ruje veten ti eme kan shnosh per veti e lej punt që rrezikojnë se apo e shef si mu kan vu mue e bujarit, tan shteti ne shpin...”

Nga biseda e zhvilluar ku permenden "Bardhi" "hidrocentrali", duke ju referuar edhe veprimeve dhe verifikimeve tona, rezulton se subjekti "Breçani R.O.S.P" sh.p.k, me objekt veprimtarie sigurimi privat i sigurise fizike dhe nder tjera edhe shfrytezimin dhe administrimin e hidrocentralit "Drita", me ortak të vetem dhe administrator Fatbardh Breçanin, vëllain e Erzen Breçanit, me vendim Nr.14 date 12.07.2019 et K.K.T është miratuar leja per ndertimin e objektit 'Ndertimi i burimit të rigjenerues të energjise, hidrocentralit "Drita, në lumin e Gahit, Bashkia Tropoje, Qarku Kukes".

"Breçani R.O.S.P" ka ndërtuar hidrocentralin "Drita" dhe ka regjistruar në QKB me NUIS L99524601K date 24.09.2019 "HEC Drita Energy", me ortak të vetem "Breçani R.O.S.P" dhe administrator shtetasin Eralbi Breçani për periudhen 23.09.2019-23.09.2024. Emri i shtetasit Erzen Breçani nuk figuron në asnje nga dokumentet e depozituara ne QKB apo akt themelimi. Vetë Erzen Breçani sipas sistemit ÇcTS rezulton i punësuar në kompanine Breçani R.O.S.P.

Erzen Breçani, ish-drejtues policie, dhe njëherësh ish-kandidat për deputet nga radhët e Partisë Demokratike, u arrestua të hënën në kuadër të goditjes së një grupi kriminal, i cili trafikonte sasi të mëdha kokaine nga vendet e Amerikës Latine, por edhe kishte kryer dhe organizuar plane për eleminimin fizik të disa personave.

Në dosjen e SPAK, Breçani evidentohet në disa episode, fillimisht për lidhjen e tij familjare me Ervin Matën, motrën e të cilit e kishte nusen e djalit të tij, por edhe për shoqërinë me të fortin e Kukësit Bujar Germizi.

Djali i Erzen Breçanit, Eralbi Breçani dhe Ervin Mata janë në kërkim nga SPAK, por ende autoritetet nuk kanë rënë në gjurmët e tyre. Në kërkim është shpallur dhe Ismail Zeneli.

Ndërkohë ditën e nesërme pritet që të dalin para gjykatës Erzen Bercani, Besmir Murati, Dedan Gjoni dhe Bujar Ajeti.





Lajmet e fundit nga