web counter
LEXO PA REKLAMA!

SHKARKO APP

App Store
Google Play

E fundit!

x

Tensionet në Kuvend/ Gazetari Koka: Ndërkombëtarët reagojnë vetëm kur i vihet “flaka”

22 Nëntor 2023, 22:16, Aktualitet CNA
Tensionet në Kuvend/ Gazetari Koka: Ndërkombëtarët
Foto ilustruese

Gazetari Bledian Koka ka folur për tensionet në Kuvend mes mazhorancës dhe opozitës e cila vijon të protestojë duke mos lejuar që të ketë seancën normale në Kuvend.

Gazetari ka komentuar reagimin e ndërkombëtarëve duke thënë se ai i SHBA ishte asnjëanës ndërsa Britania e Madhe ka thënë atë që do të donte SHBA.

Sipas gazetarit ndërkombëtarët reagojnë kur u cënohen interesat e tyre  dhe kur i vihet flaka gjësë.

"Unë mendoj që reagimi në vetvete i ndërkombëtarëve nga ajo që kemi përcjellë këto dy vitet e fundit, minimalisht tregon një lloj refektimi në vetvete sepse duhet thënë që gjatë gjithë kësaj kohe presioni është mbajtur tek opozita reale.

Madje unë pashë edhe dy qëndrime, ku ishte shumë herë më i ashpër qëndrimi i faktorit ndëkombëtar europian me Londrën dhe ambasadorin gjerman që kërkonte që jo vetëm t’i jepet e drejta opozitës të drejtën e komisioneve hetimore por edhe dhënien e të drejtave që po i mohohen opozitës parlamentare për të ekzistuar si e tillë dhe thelbi është zgjedhja e një kryetari grupi siç ka ndodhur gjatë kësaj kohe.

Ndërkohë reagimi amerikan personalisht mu duk më i butë, më asnjëanës e gati-gati i sforcuar pasi nuk ishte një reagim i drejtpërdejtë i ambasadës, por ishte një reagim i kërkuar nga Zëri i Amerikës.

Ajo që e mori spunton e parë ishte ambasada britanike, dhe kjo më habit shumë se përse britanikët e bënë këtë reagim sepse ata nuk janë shquar ndonjëherë për këto reagimet e forta dhe ndërhyrjen në politikën tonë. Ndoshta ka qenë një zgjedhje e Shteteve të Bashkuara se atë që nuk donin ta thonin vetë e thanë përmes Britanisë.

Unë mendoj që ka diçka që nuk ka ndodhur mes Edi Ramës dhe qeverisë edhe pse nuk ka ndonjë ndryshim shumë të madh ndërmjet këtyre termave, sepse qeveria është Edi Rama dhe anasjelltas.

Po ta shikoni ndërkombëtarët japin mesazhe kur cënohen interesat e tyre. Unë mendoj se nëse ndërkombëtarët reagojnë vetëm atëherë kur ‘i vihet flaka gjëse’ atëherë është shumë vonë", tha Koka në Taskë Forcë./ CNA





Lajmet e fundit nga