E fundit!

15:20 Politikë

Rama për “Vanity Fair”: Mundësi e përsosur për dorëheqje vetëm nëse hyjmë në BE

Kryeministri Edi Rama ka ndarë një sërë përgjigjesh lidhur...

Në kërkim ndërkombëtar për planifikimin e dy vrasjeve/ Ekstradohet nga Franca 43-vjeçari shqiptar

23 Prill 2026, 13:59, Kronika CNA

Në kërkim ndërkombëtar për planifikimin e dy vrasjeve/

Një 43-vjeçar shqiptar i shpallur në kërkim ndërkombëtar për planifikimin e dy vrasjeve është ekstraduar ditën e sotme nga Franca drejt Shqipërisë.

Konkretisht bëhet fjalë për shtetasin A. S., 43 vjeç, të cilit Gjykata e Durrësit i ka caktuar masën “Arrest me burg”. 43-vjeçari akuzohet se ka planifikuar vrasjen e dy shtetasve duke siguruar armë zjarri apo automjete, por pa mundur t’i realizojë ato.

Po ashtu ky shtetas dyshohet se në vitin 2023 është përfshirë në një rast të marrjes së parave nëpërmjet kërcënimit.

Njoftimi i Interpol

Interpol Tirana/Finalizohet një tjetër fazë e operacionit të koduar “The Wanted”.

Akuzohet se ka siguruar kushte dhe mjete për vrasjen e 2 shtetasve, ekstradohet nga Franca, 43-vjeçari.

43-vjeçari, pjesëtar i një grupi kriminal, është kapur në Francë, në vitin 2023, në kuadër të operacionit të koduar “Sete”.

Në vijim të bashkëpunimit të ngushtë të specialistëve të Interpol Tiranës, me homologët në Francë, në kuadër të operacionit të koduar “The Wanted”, u finalizuan procedurat për ekstradimin nga Franca në Shqipëri, të shtetasit:

-A. S., 43 vjeç, banues në Francë.

Këtij shtetasi, Gjykata e Durrësit, në vitin 2022, i ka caktuar masën e sigurisë “Arrest në burg”, për veprat penale “Mbajtja pa leje dhe prodhimi i armëve, armëve shpërthyese dhe municionit luftarak”, “Sigurimi i kushteve dhe mjeteve për të kryer vrasje” dhe “Grupi i strukturuar kriminal”.

Shtetasi A. S. akuzohet se në bashkëpunim me shtetas të tjerë (pjesëtarë të grupit kriminal), kanë planifikuar vrasjen e 2 shtetasve, duke siguruar automjete, armë zjarri dhe apartamente me qira, por nuk kanë mundur ta realizojnë vrasjen e tyre.

Gjithashtu, shtetasi A. S. dyshohet se në vitin 2023, në rajonin e Balarus, Francë, është përfshirë në një rast të marrjes së një shume parash (40 000 euro), nëpërmjet kërcënimit me armë, në kuadër të bandës së organizuar. Për këtë ngjarje, Njësia për Krimet Shëtitëse Anti Skifter në Shqipëri dhe Zyra Kombëtare për Krimet Shëtitëse Anti Skifter në Francë kanë shkëmbyer informacion, duke qenë se dyshohej se një ndër autorët e përfshirë ishte shtetas shqiptar.