web counter
LEXO PA REKLAMA!

SHKARKO APP

App Store
Google Play

E fundit!

x

Vodhën 40 tonë kafe në subjektin ku punonin/ Pranga dy magazinierëve

23 Prill 2026, 09:35, Kronika CNA

Vodhën 40 tonë kafe në subjektin ku punonin/ Pranga dy

Policia e Tiranës ka finalizuar operacionin “Inventari” në kuadër të të cilit ka vënë në pranga dy magazinierë dhe është vënë nën hetim shpërndarësi.

Nga hetimet është konstatuar se këta shtetas në subjektin ku punonin kanë vjedhur përgjatë 3 viteve, një sasi totale prej 40 000 kg kafe.

Të tre këta persona sasinë e kafesë së vjedhur e kanë tregtuar më pas dhe dyshohet se nga shitja e saj kanë përfituar 800 000 euro.

 

Njoftimi i policisë

 

Tiranë/Finalizohet operacioni i koduar “Inventari”.

Vodhën 40 000 kg kafe në subjektin ku punonin dhe e shitën, vihen në pranga 2 magazinierë dhe në hetim shpërndarësi.

Nga kjo veprimtari kriminale e kryer përgjatë 3 viteve, 3 shtetasit dyshohet se kanë përfituar 800 000 euro.

Si rezultat i veprimeve operacionale të kryera mbi kallëzimin e administratores së një subjekti në fushën e prodhimit/tregtimit të kafesë, se kishte konstatuar vjedhjen e një sasie të madhe produkti, specialistët për Hetimin e Krimeve Ekonomiko-Financiare finalizuan operacionin e koduar “Inventari”.

Si rezultat i operacionit:

-u vunë në pranga shtetasit A. K., 35 vjeç dhe V. K., 29 vjeçe, magazinierë në këtë subjekt;

-nisi procedimi në gjendje të lirë për shtetasin L. B., 29 vjeç, shpërndarës.

Nga hetimet dyshohet se këta shtetas, në bashkëpunim me njëri-tjetrin, duke shpërdoruar detyrat, gjatë një periudhe trevjeçare, kanë vjedhur 40 000 kilogramë kafe, nga shitja e së cilës kanë përfituar 800 000 euro.

Materialet procedurale iu referuan Prokurorisë së Tiranës, për veprime të mëtejshme.





Lajmet e fundit nga