LEXO PA REKLAMA!

SHKARKO APP

Ndërroi jetë në duart e policëve/ Prokuroria e Tiranës pushon çështjen e Lear Kurtit

28 Nëntor 2023, 12:45, Kronika CNA
Ndërroi jetë në duart e policëve/ Prokuroria e Tiranës
Lear Kurti

Prokuroria e Tiranës ka mbyllur çështjen e vdekjes së Lear Kurtit, ngjarje që ndodhi në tetor të vitit 2022, pasi nuk ka gjetur asnjë shkelje për policët. 

Sipas hetimeve ka rezultuar se vdekja ka ardhur nga mbidoza e lëndës narkotike.

Mësohet se kërkesa e prokurorisë, së bashku me rezultatet e hetimit, është dorëzuar në gjykatë.

"Mbidozim (Helimim) akut me lëndë narkotike e llojit kokainë. Ishemi akute Hypoksite e miokardit e shoqëruar me kontraktim dhe deformim të miofibrilive, edemë e shprehur e trurit, stazë vazale dhe ekstravazat kapilar, atelektazë dhe emfizemë kompesatore e mushkrisë, hepatit kronik persistent. Shkaku i vdekjes se shtetasit Lear Kurti ka qenë helmimi (mbidozim) akut me lëndë narkotike të llojit kokainë, i komplikuar me shok toksik, me mekanizimin e ishemisë akute të miokardit që ka sjellë për pasojë asistolinë kardiake (Ndalim i menjëhershëm i zemrës)”, thuhet në aktin e ekspertimit. 

Kujtojmë se Lear Kurti ndërroi jetë më 20 tetor të vitit 2022 në duart e policisë. Pas ngjarjes së rëndë familjarët hodhën akuza në drejtim të Policisë së Shtetit. 

Gjatë ndjekjes nga policia, 32-vjeçari kishte me vete një dozë kokaine, të cilën mendohet ta ketë gëlltitur nga frika që të mos arrestohej./CNA

Lajmet e fundit nga