LEXO PA REKLAMA!

SHKARKO APP

Falsifikonin kontratat dhe shisnin automjetet që merrnin me qira, shkon në 2 numri i zyrtarëve të arrestuar

28 Nëntor 2023, 10:18, Kronika CNA
Falsifikonin kontratat dhe shisnin automjetet që merrnin me qira, shkon
Foto ilustruese

Është vënë në pranga edhe punonjësi tjetër i Drejtorisë Rajonale të Shërbimeve të Transportit Rrugor Elbasan pak ditë pasi u shpall në kërkim.

R.L., 25-vjeçar, punonjësi tjetër i DRSHTRR Elbasan që u shpall në kërkim dy ditë më parë, është arrestuar nga policia pasi ka rezultuar se në bashkëpunim me dy të tjerë, tashmë të arrestuar, pasi mernin makina me qira, i hiqnin GPS dhe i tregtonin duke falsifikuar dokumentet e automjeteve.

Autoritetet policore kanë arrestuar më herët edhe 38-vjeçarin, M.Z., i cili merte makinat me qira si dhe juristen e DRSHTRR, që ishte e përfshirë në këtë mashtrim.

“Si rezultat i veprimeve operacionale të zhvilluara në kuadër të operacionit "Sundimi i ligjit", për kapjen e shtetasve të shpallur në kërkim, në kuadër të operacionit policor të koduar "Fraud", dhe në vijim të veprimeve të thelluara hetimore procedurale, specialistët për Hetimin e Krimeve Ekonomike dhe Financiare kapen dhe vunë në pranga shtetasin R. L., 25 vjeç, punonjës i DRSHTRR, Elbasan, i shpallur në kërkim dy ditë më parë, në kuadër të këtij operacioni. Gjithashtu, në vijim të veprimeve hetimore për këtë rast u kap dhe u vu në pranga shtetasi M. Z., 38 vjeç, banues në Elbasan. Nga veprimet hetimore rezultoi se këta 2 shtetas në bashkëpunim me 2 shtetasit e tjerë të vënë në pranga (1 punonjëse e DRSHTRR Elbasan dhe shtetasi Th. B.), kanë shitur në kundërshtim me ligjin 3 automjete që pasi i morën me qera, iu hoqën GPS dhe i falsifikuan dokumentet” thuhet në njoftimin e policisë.

Policia zbuloi se duke bashkëvepruar me njëri-tjetrin këta persona kryenin shitjen e automjeteve në shkelje të ligjit./CNA

 

Lajmet e fundit nga