LEXO PA REKLAMA!

SHKARKO APP

E fundit!

x

Masakra e Don Boskos/ Përfundojnë hetimet për mikun e Ervis Martinajt

28 Nëntor 2023, 12:35, Kronika CNA

Masakra e Don Boskos/ Përfundojnë hetimet për mikun e Ervis

Prokuroria e Tiranës ka përfunduar hetimet për Nikollë Sherrnikun, i cili njihet për lidhjet e tij shoqërore me të shumëkërkuarin e Drejtësisë, Ervis Martinajn.

Nikollë Sherrniku akuzohet për “krijimin e kushteve për të kryer vrasje” në lidhje me masakrën e Don Boskos, ku gjatë sulmit mbi lokalin e Fatjon Muratit mbeti e vrarë banakierja Mimoza Paja.

Gazetarja Klodiana Lala ka bërë me dije se hetimet e prokurorisë thonë se i pandehuri gjatë kohës që ishte vendosur nën masën e arrestit në shtëpi, ka udhëtuar nga Shqipëria drejt Gjermanisë ku në një servis në pronësi të një shtetasi nga Kosova mori atje targat, të cilat u përdorën në masakrën e Don Boskos.

Pas ngjarjes me një të vrarë dhe 5 të plagosur, autorët e shkrumbuan automjetin që përdoren në krim në fshatin Likmetaj.

Sipas gazetares Klodiana Lala automjeti ishte pajisur me një targë gjermane dhe hetimet zbuluan se ishte pikërisht Nikollë Sherrniku që disa muaj përpara masakrës kishte vjedhur targa në servisin në Gladbeg të Gjermanisë, të cilat dyshohet t’ia ketë dorëzuar Ervis Martinajt, mbretit të bixhozit që u zhduk pa gjurmë.

Një fakt të tillë e pohon për prokurorinë edhe një i njohur i Sherrnikut, i cili pretendon se teksa ai duhet të ishte në arrest shtëpie udhëtoi drejt Gjermanisë dhe shkoi në servisin Auto Gago ku punonte edhe vëllai i dëshmitarit.

Mes të tjerash dëshmitari tregon se Sherrniku i kishte thënë se targat do t’ia jepte Ervis Martinajt, të cilin e thërriste "shefi”.

Sherrniku ka mohuar akuzat dhe lidhjet me ngjarjen, por që tashmë këto llogari duhet t’i japë para gjykatës.

Lajmet e fundit nga