web counter
LEXO PA REKLAMA!

SHKARKO APP

App Store
Google Play

E fundit!

x

Drejtësia italiane e dënoi me 11 vite burg/ Ekstradohet 51-vjeçari i shumëkërkuar nga Durrësi

30 Nëntor 2022, 15:23, Kronika CNA
Drejtësia italiane e dënoi me 11 vite burg/ Ekstradohet
Foto Ilustruese

Një 51-vjeçar i shpallur në kërkim ndërkombëtar është ekstraduar nga Shqipëria drejt Italisë, pasi ishte dënuar me 11 vjet 8 muaj e 15 ditë burg, për trafikim të lëndëve narkotike.

Bëhet fjalë për shtetasin, Gentian Deda, banues në Durrës, i cili është arrestuar në shkurt të këtij viti nga specialistët për Hetimin e Narkotikëve dhe Trafiqeve të Paligjshme, në bashkëpunim me shërbimet e Forcës së Posaçme Operacionale, të DVP Durrës.

Ai është dënuar nga Gjykata e Milanos, ku trupa gjykuese ka kërkuar 11 vjet, 8 muaj e 15 ditë burgim, për veprën penale  “Grup kriminal me qëllim trafikimin e lëndëve narkotike”, parashikuar nga Kodi Penal i Italisë.

Njoftimi i Policisë:

Interpol Tirana

Ekstradohet nga Shqipëria drejt Italisë, një shtetas i shpallur në kërkim ndërkombëtar, i dënuar me 11 vjet, 8 muaj e 15 ditë burgim, për trafikim të lëndëve narkotike.

Falë bashkëpunimit të Interpol Tirana me Interpol Roma, u ekstradua nga Shqipëria drejt Italisë, shtetasi shqiptar i shpallur në kërkim ndërkombëtar:

Gentian Deda, 51 vjeç, banues në Durrës.

Ky shtetas është arrestuar në shkurt të vitit 2022, në Durrës, nga specialistët për Hetimin e Narkotikëve dhe Trafiqeve të Paligjshme, në bashkëpunim me shërbimet e Forcës së Posaçme Operacionale, të DVP Durrës.

Gjykata e Milanos, Itali, e ka dënuar këtë shtetas, me 11 vjet, 8 muaj e 15 ditë burgim, për kryerjen e veprës penale “Grup kriminal me qëllim trafikimin e lëndëve narkotike”, parashikuar nga Kodi Penal i Italisë.

Në zbatim të marrëveshjes së ekstradimit mes dy vendeve, shtetasi Gentian Deda u ekstradua drejt Italisë, për kryerjen e dënimit./CNA.al





Lajmet e fundit nga