LEXO PA REKLAMA!

SHKARKO APP

Detajet nga aksidenti në aksin Librazhd-Elbasan/ Ndërron jetë një person

4 Shkurt 2024, 22:04, Kronika CNA

Detajet nga aksidenti në aksin Librazhd-Elbasan/ Ndërron jetë

Një aksident i rëndë ka ndodhur në vendin e quajtur Kthesat e Dragostunjës në aksin Librazhd-Elbasan.

Një automjet ka dalë nga rruga dhe ka rënë nga një lartësi rreth 30 metra.

Mësohet se nga aksidenti ka patur një viktimë dhe tre të plagosur.

Automjeti dyshohet se ka qenë duke qarkulluar me shpejtësi dhe ka humbur drejtimin e lëvizjes në një kthesë.

Automjeti pasi ka dalë jashtë rrugës automobilistike ka rënë nga lartësia duke u rrokullisur dhe ka përfunduar në trasenë e linjës hekurudhore.

Për pasojë automjeti është shkatërruar pothuajse plotësisht.

“Në aksin rrugor "Librazhd-Prrenjas", automjeti që drejtohej nga shtetasi M. Z., 21 vjeç, ka dalë nga rruga.

Për pasojë ka humbur jetën në vendngjarje pasagjeri që udhëtonte në këtë automjet shtetasi D. B., 18 vjeç, si edhe kanë mbetur të dëmtuar drejtuesi i automjetit dhe 2 pasagjerë të tjerë, të cilët janë transportuar për ndihmë mjekësore në spital për momentin jashtë rrezikut për jetën.

Grupi hetimor në vendngjarje po punon për zbardhjen e plotë të shkakut të aksidentit”, njofton policia./ CNA

Lajmet e fundit nga