web counter
LEXO PA REKLAMA!

SHKARKO APP

App Store
Google Play

“Çmendet” 46-vjeçari në Vlorë/ Kërcënon me çifte bashkëshorten dhe vajzat

3 Shkurt 2024, 21:08, Kronika CNA

“Çmendet” 46-vjeçari në Vlorë/

Një person është vënë në pranga pasi kanosi me armë gjahu bashkëshorten e tij dhe dy vajzat e tyre.

Bëhet fjalë për shtetasin me iniciale Sh. Xh., i cili u kap në flagrancë nga shërbimet e Forcës së Posaçme “Shqiponja”.

Blutë bëjnë me dije se 46-vjeçari tentoi të largohej me motoçikletë. Pas arrestimit, atij iu sekuestruan arma e gjahut (çifte) dhe motoçikleta.

“Pas marrjes së njoftimit, mbrëmjen e sotme, se një shtetas po kanoste për jetën, me armë gjahu çifte, bashkëshorten e tij dhe dy vajzat e tyre, në banesë, në lagjen “15 Tetori”, shërbimet e Forcës së Posaçme “Shqiponjat” dhe të Komisariatit të Policisë Vlorë menjëherë kanë organizuar punën për parandalimin e ngjarjes së mundshme kriminale, dokumentimin e plotë ligjor të rastit dhe vënien e autorit përpara përgjegjësisë penale.

Si rezultat i veprimeve të shpejta nga Policia, është kapur në flagrancë në tentativë për t’u larguar me një motoçikletë, shtetasi Sh. Xh., 46 vjeç.

Gjithashtu, janë sekuestruar në cilësinë e provës materiale, arma e gjahut çifte me të cilën 46-vjeçari kanosi familjarët, si dhe motoçikleta me të cilën tentoi të largohej.

Ndërkohë, vijon puna e grupit hetimor, për sqarimin e plotë të rrethanave të ngjarjes dhe për referimin e materialeve procedurale në Prokurori”, thuhet bnë njoftimin e policisë./ CNA





Lajmet e fundit nga