web counter
LEXO PA REKLAMA!

SHKARKO APP

App Store
Google Play

Helmimi i 18-vjeçares në Lushnje/ Flasin prindërit e burrit: E mbanim në pëllëmbë të dorës

3 Shkurt 2024, 12:12, Kronika CNA

Helmimi i 18-vjeçares në Lushnje/ Flasin prindërit e burrit: E

Një ngjarje e rëndë u regjistrua disa ditë më parë në Lushnje, ku një 18-vjeçare i dha fund jetës duke pirë fostoksinë.

Policia njoftoi se vajza dyshohet ta ketë kryer këtë veprim në kushte të rënduara psikologjike pas konflikteve të vazhdueshme me burrin e saj 24-vjeçar.  Mësohet se prindërit e vajzës refuzojnë të flasin për mediat. 

Ndërkohë familjarët e djalit, i cili ndodhet nën hetim nga policia përpiqen të shuajnë çdo zë se mes çiftit kishte probleme.

Vjehrra dhe vjerri i 18-vjeçares thonë se ndaj të resë nuk është ushtruar dhunë, dhe të gjithën ja kanë lënë ngarkesës që vajza ka pasur në shkollë.

“Ne 25 ditë kemi që e kemi fejuar, por nusen e kemi mbajt dhe më para në shtëpi. E nusen e kemi mbajt në shtëpi në pëllëmbë të dorës. Nusja ka qenë ngarkuar në shkollë. Ishte viti i tretë gjimnaz. E mendojmë këtë se kanë hedhur disa llafe moshataret e saj. Ne nuk e kishim problem fare, i thamë ta kanë inat flet shoqëria se e mbante mirë. Goca ka qenë e ngarkuar në shkollë. Ka ardhur në shtëpi duke qarë. Ka ardhur këtu e ka bërë gjestin. I ka thënë çuni po iki të pi një kafe në lokal, mirë i ka thënë. Kur ka ardhur e ka marrë çunin në telefon i ka thënë hajde se unë piva helmin. Më ka bërë hatanë. Vetë e ka marrë, çuni në sekondë ka ardhur. Kjo ndodhi pasi erdhi nga shkolla. Ka shkuar te nëna e vet i ka thënë nuk jam mirë”, thotë vjehrra./CNA 





Lajmet e fundit nga