LEXO PA REKLAMA!

SHKARKO APP

Detaje nga shpërthimi me tritol në Lezhë/ Autori përfitoi nga errësira

4 Shkurt 2024, 09:05, Kronika CNA
Detaje nga shpërthimi me tritol në Lezhë/ Autori përfitoi
Foto nga vendi i ngjarjes

Detaje të reja kanë dalë nga shpërthimi me tritol që ndodhi mbrëmjen e djeshme në një banesë në Ishull-Shëngjin.

Raportohet se lënda plasëse u hodh nga një person i paidentifikuar në oborrin e shtëpisë së një 80-vjeçare. Në këtë banesë jeton e vetme e moshuara, pasi kryefamiljari së bashku me familjen ndodhet prej vitesh në emigrim.

Nga shpërthimi pati dëme të vogla materiale, ndërsa policia e cila mbërriti menjëhere në vendin e ngjarjes nisi hetimet në lidhje me rastin.

Nga verifikimet paraprake bëhet me dije se brenda shtëpisë është hedhur një kapsollë detonatore e cila ka shpërthyer.

Familjarët kanë deklaruar në polici se nuk kanë probleme me asnjë persona. Dyshohet se ka qenë vetëm një person që ka vendosur lëndën plasëse në banesë dhe është larguar me shpejtësi duke përfituar edhe nga errësira./CNA 

 

Lajmet e fundit nga