LEXO PA REKLAMA!

SHKARKO APP

App Store
Google Play

E fundit!

x

Deklarata e Klodiana Lalës/ Një ish-zytar i lartë i dërgoi email DEA-s

16 Mars 2023, 22:51, Kronika CNA
Deklarata e Klodiana Lalës/ Një ish-zytar i lartë i dërgoi
Gazetarja Klodiana Lala

Gazetarja Klodiana Lala ka bërë një deklaratë të fortë, teksa ka folur për prezencën e DEA-s amerikane në Shqipëri, e cila është vënë në “gjueti” ndaj krimit të organizuar.

Lala tha në emisionin e Ylli Rakipit se me mbërritjen e DEA-s në Tiranë, emaili i parë që i ka shkuar ka qenë nga një ish-zyrtar i lartë.

Gjithashtu ajo deklaroi se që nga momenti kur në vendin tonë ka ardhur DEA kanë dështuar dhe janë dekonspiruar disa operacione të rëndësishme.

"DEA, duke qenë se në Shqipëri kanë dështuar dhe janë dekonspiruar disa operacione të rëndësishme, si Xibraka, ku Gjykata e Apelit fshikullonte Policinë e Shtetit, që ndërhyri para kohe për të shpëtuar bosët, ishte një nga vendimet që asnjëherë nuk u lexua seriozisht nga institucionet ligjzbatuese. Kush e dekonspiron një çështje të trafikut të drogës? Titullari i policisë. Për këtë arsye, DEA, përmes ambasadës, ju bën thirrje qytetarëve shqiptarë të japin informacion. Ndonjëherë nga informacionet që duken si të parëndësishme, për institucionet atje janë shumë të rëndësishme. Shqipëria është kthyer në hambar drogë, në rrugë kalimi… Ne kemi disa laboratorë të konfirmuar, por ka edhe të tjerë të përfolur dhe të pazbuluar.

Për të ekspozuar ata që shesin apo dekonspirojnë informacionet, për të ekspozuar lidhjet e njerëzve të rëndësishëm të politikës me trafikantët e drogës, gjeti këtë mundësi. DEA ka dëshmuar që e garanton anonimatin e informatorit. Kushdo që do të flasë, nuk do të dalë dhe ekspozohet në publik.

Duke mos patur besim te autoritetet shqiptare, duke patur dyshime të forta për përfshirjen e njerëzve të politikës, biznesit, në trafikun e drogës, është gjetur si një mënyrë për të grumbulluar informacion. Një ish zyrtar i lartë ka qenë emaili i parë që i ka vajtur DEA-s", tha Lala./ CNA

Lajmet e fundit nga