LEXO PA REKLAMA!

SHKARKO APP

Masakra e "Don Boskos"/ Artan Hoxha: Ku shkuan autorët pas ngjarjes

16 Mars 2023, 18:19, Kronika CNA
Masakra e "Don Boskos"/ Artan Hoxha: Ku shkuan autorët pas
Gazetari investigativ Artan Hoxha

Gazetari investigativ Artan Hoxha, ka dhënë detaje të reja mbi ngjarjen e ndodhur në “Don Bosko”, ku u qëllua në drejtim të lokalit të Fatjon Muratit, dhe mbeti e vrarë 58-vjeçarja M.P si dhe u plagosën 5 të tjerë.

I ftuar në emission “Opinion” Hoxha zbuloi se autorët brenda një harku kohor prej 25 minutash kanë shkuar nga “Qafa e Kasharit” në “Don Bosko” ku kryen atentatin dhe më pas janë shfaqur sërish në Qafë Kashar, pa pasur asnjë ndalesë.

“Ajo breshëria e plumbave ka terrorizuar qytetarët dhe ka sjellë pasiguri. Ky atentat ndodh në një zonë afër qendrës dhe autorët për 25 minuta shfaqen në Qafë Kashar pa ndalesë, hyjnë në Don Bosko dhe shfaqen sërish në Qafë Kashar. Hynë dhe godasin me qetësinë më të madhe. Kjo skuadër vrasësish është ende e lirë dhe ka rrezik potencial të bëjë të njëjtën gjë. Kjo ka të bëjë me përplasjen e Ervis Martinajt dhe një grupi tjetër, është një aleancë grupesh kundër Martinajt”, u shpreh Hoxha./CNA

Lajmet e fundit nga