E fundit!

16:50 Aktualitet

Siguroi kushtet për të kryer vrasjen e Hajrullës dhe Matodashajt/ GJKKO shpall dënimin për Erio Zejnon

Gjykata e Posaçme ka dënuar me 7.4 vjet burg Erio Zejnon, ...

"Bëhu e dashura ime”/ Nëna e 27-vjeçares zbardh bisedat me personazhin e "TikTok"-ut

13 Shkurt 2024, 12:37, Kronika CNA

"Bëhu e dashura ime”/ Nëna e 27-vjeçares zbardh

Altin Çoku

Nëna e 27-vjeçares, e cila u hodh nga kati i katërt i një banese në Kamëz, ka treguar në një emision televiziv momente nga ngjarja e rëndë. Ajo ka treguar se e bija i ka lënë vëllait amanet të bijën dhe pasi ka shtrënguar dorën e motrës ka ndërruar jetë.

“Dhomën ku jetoj e kam përhohësisht, pronari i shtëpisë më tha pastroje dhomën se ka lagështirë që ta lyejmë e të kaloni te shtëpia. Sibela më tha mami hyr lahu se je e lodhur dhe shtriju. E vuri vajzën në gjumë, i tha motrës po dal të pi një cigare. Kur vajza e pa që po vonohej doli në sallon, në atë kohë po vinte djali. Sibela nuk kishte ngrënë bukë sepse kishte thënë do presim vëllanë. Djali nxori kokën nga dritarja dhe bërtiti mami e ka shtypur makina Sibelën. Djali nuk e dinte dhe kapi për fyti shoferin e fugonit sepse mendoi se e shtypi ai. Vajza ishte ende gjallë. E dërguan në spital, i tha të vëllait amanet Ambrën. I shtrëngoi dorën motrës dhe dha shpirt”, ka treguar ajo.

Nëna tregon më tej se vajza e saj është kërcënuar nga Altin Çoku, pasi ky i kërkonte që të bëhej e dashura e tij.

"Kur u shtri goca me Ambrën, panë një video në 'TikTok' me këtë tipin, që kërcënonte. Ai kërcënonte këngëtarë. Ajo më tha: 'nuk shkoj të punoj më me të'. I thashë 'mos ik'. Më tha: 'mos më bën ndonjë gjë me gocën'. Ai po dërgonte mesazhe, duke i marrë në telefon. Hyra pastrova dhomën dhe kuzhinën. Unë u tremba kur s’më la që të pastroja banjën. Në atë shtëpi pronari ka kamera, policia i ka parë. Në komisariat më thanë që vajzës ose i janë marrë mendtë ose i ka rënë tensioni. Dje në polici më thanë që i ka dërguar vajza një mesazh Altin Çokut që ky e ka kërcënuar vajzën që të bëhej e dashura e tij. Vajza ka shkuar të punojë jo të zinte të dashur. Ai i ka thënë do të ta bëj të keqen. Ky i ka thënë që do t’i shpërndajë vajzës video, por vajza i ka kërkuar të heqë fotot nga rrjetet sociale”, ka treguar nëna e 27-vjeçares.

Për ngjarjen e rëndë, policia ka arrestuar personazhin e njohur të rrjeteve sociale, Altin Çoku, i cili kërcënonte dhe shantazhonte të renë me foto intime./CNA