web counter
LEXO PA REKLAMA!

SHKARKO APP

App Store
Google Play

E fundit!

x

Artan Hoxha i kundërpërgjigjet SPAK-ut/ “Dumani ka përmendur edhe 3-4 deputetë të tjerë”

3 Qershor 2022, 13:12, Kronika CNA
Artan Hoxha i kundërpërgjigjet SPAK-ut/ “Dumani ka
Gazetari Artan Hoxha

Mbrëmjen e kaluar në "Opinion" gazetari Artan Hoxha ka bërë një deklaratë ku zbulonte se Dumani ka dëshmuar para drejtësisë se Presidenti Ilir Meta ka porositur vrasjen e vëllait të një deputeti socialist në Lezhë.

Pas kësaj deklarate që bëri bujë të madhe në media, u përgjigj SPAK-u duke mohuar në mënyrë kategorike se Dumani ka dhënë një informacion të tillë.

Nuk ka munguar edhe kundërpërgjigjja e gazetarit Artan Hoxha, i cili i ftuar në "Abc News", ka thënë se Dumani ka përmendur edhe 3-4 deputetë të tjerë.

“Edhe në rastin e parë kur u dha lajmi se Dumani po bashkëpunon me drejtësinë, SPAK-u ka thënë që nuk është e vërtetë. Në rastin konkret unë e kam thënë që Dumani dhe Hoxhaj dhe persona të tjerë kanë dhënë shumë deklarime.

Kanë dhënë deklarime të cilat janë në kuadër të procedimit, ku sigurisht janë bashkuar 18 hetime të mëparshne. Por ka thënë edhe të tjera që janë regjistruar dhe s’janë pjesë e këtij procedimi. Unë iu referova si shembull, sepse janë përmendur edhe 3-4 deputetë të tjerë. E kam dhënë atë shembull se pse deri tani ky hetim ka pasur probleme. Nuk duhet të kishte rrjedhur. Dhe është bërë qëllimisht.

Kur u bë operacioni nuk i arrestuam dot ata që duheshin. Ata kanë dhënë deklarata dhe duhet të bëhen hetime. Gjëja që kam thënë se midis të tjerash ai ka folur edhe për persona politikë. Ka folur edhe Berisha. Unë dje shtova që ka folur për bandat e qeverive. Unë nuk e besoj këtë gjë, por ai e ka thënë. Është e regjistruar. SPAK-u duhet t'i verifikojë. Ai është i besueshëm për ngjarje që ka qenë vetë jo ato që i ka me të dëgjuar.

Edhe pse e thashë për t'i tërhequr vëmendjen organit të hetimit që duhet t'i verifikojë mirë këto dhe pastaj t’ia japë publikut. Nëse unë i nxjerr ato që ka thënë, cili nga ata do të mbajë përgjegjësi se nga ka rrjedhur.

Çdo deklarim nga ky grup personash, që kanë vrarë njerëz të pafajshëm duhet të verifikohen një nga një. Dhe nuk duhet të rrëmbehemi. Sot janë vënë në lëvizje, po të kisha nxjerrë edhe tre deputetë të tjerë. Po nxora dëshminë unë çfarë do të thonë? Shiko si veprojnë kur përmendet një emër politikani, por kur del një qytetar. S’mund të marrim të mirëqenë çdo gjë që ai e bën qëllimisht. Në rastin konkret unë mendoj se ai e bën edhe për të përfituar politikisht.

Problemi është se çfarë do të bëjnë? Të kenë kujdes dhe të mos përdoret kjo për situatën politike në vend. kjo ngjarje është e pazbuluar. Reagohet vetëm për t'u mbrojtur imazhi, por duhet ta mbrojnë me hetim”, u shpreh gazetari./ CNA.al





Lajmet e fundit nga