LEXO PA REKLAMA!

SHKARKO APP

Rusia thotë se ka biseduar me SHBA-në për traktatin e armëve bërthamore

6 Shkurt 2023, 08:49, Kosova & Bota CNA

Rusia thotë se ka biseduar me SHBA-në për traktatin e armëve

Zëvendësministri i Jashtëm i Rusisë, Sergei Ryabkov, tha se ka diskutuar për traktatin e kontrollit të armëve bërthamore, me ambasadoren e re të Shteteve të Bashkuara, Lynne Tracy.

Ai tha diskutimi për traktatin New START është zhvilluar javën e kaluar, raportoi agjencia e lajmeve ruse, interax.

Ryabkov shtoi se Rusia është e përkushtuar ndaj traktatit, por nuk dha asnjë datë se kur mund të mbahet rundi i ri i bisedimeve, duke u thirrur në konfliktin në Ukrainë.

Bisedimet midis Moskës dhe Uashingtonit për traktatin New START ishin paraparë që të mbaheshin nëntorin e kaluar, por u pezulluan në momentin e fundit.

Shtetet e Bashkuara më herët kanë akuzuar Rusinë se po e shkel traktatin, duke mos lejuar që të kryhen inspektime në territorin rus.

Traktati New START, që hyri në fuqi më 2011, kufizon numrin e kokave strategjike bërthamore që SHBA-ja dhe Rusia mund të dislokojnë, dhe po ashtu kufizon dislokimin e raketave tokësore dhe atyre të vendosura në nëndetëse./REL

Lajmet e fundit nga