web counter
LEXO PA REKLAMA!

SHKARKO APP

App Store
Google Play

Një avion i vogël në Nju Jork rrëzohet pak pas ngritjes dhe bie jashtë një shtëpie/ Humb jetën piloti, plagoset rëndë një pasagjer

1 Nëntor 2025, 16:57, Kosova & Bota CNA

Një avion i vogël në Nju Jork rrëzohet pak pas ngritjes dhe

Një avion i vogël është rrëzuar në Qarkun Saratoga, Nju Jork, ku si pasojë ka ndërruar jetë piloti dhe ka mbetur i plagosur një pasagjer.

Ngjarja ka ndodhur një ditë më parë, rreth orës 10:30 të mëngjesit me kohën lokale, në qytetin Milton, pak pasi avioni u ngrit nga Aeroporti i Qarkut Saratoga aty pranë.

Sipas hetuesve se avioni me katër vende Mooney M20E i vitit 1964 goditi një pemë përpara se të binte pak jashtë një shtëpie dhe të shpërthente në flakë. Personat që ishin brenda shtëpisë në kohën e rrëzimit, fatmirësisht nuk u lënduan.

Sherifi i Qarkut Saratoga, Michael Zurlo, tha se pasagjeri që u nxor nga aeroplani, u dërgua në Qendrën Mjekësore Albany me lëndime të rënda. Piloti ndërroi jetë në vendin e ngjarjes. Identitetet e tyre ende nuk janë bërë të ditura.

Zurlo tha se Bordi Kombëtar i Sigurisë së Transportit (NTSB) është njoftuar për aksidentin dhe do të punojnë me autoritetet lokale për të përcaktuar shkakun e rrëzimit të avionit. /CNA





Lajmet e fundit nga