web counter
LEXO PA REKLAMA!

SHKARKO APP

App Store
Google Play

Indeksi i Sundimit të Ligjit 2025/ Kurti: Kosova, ndër vendet e pakta në botë që ka shënuar përmirësim të rezultatit

31 Tetor 2025, 09:26, Kosova & Bota CNA

Indeksi i Sundimit të Ligjit 2025/ Kurti: Kosova, ndër vendet e pakta

Kryeministri në detyrë i Kosovës, Albin Kurti, ka njoftuar se Kosova ka shënuar përmirësim në rezultatin e sundimit të ligjit sipas Indeksit të Sundimit të Ligjit 2025 të Projektit të Drejtësisë Botërore. 

Kurti shprehet se Kosova është renditur e treta në rajon, në mesin e 15 vendeve të Europës Lindore dhe Azisë Qendrore dhe e 2-ta në mesin e gjashtë vendeve të Ballkanit Perëndimor.

Në mesin e vendeve të Ballkanit Perëndimor, Kosova kryeson në katër fusha kryesore: Kufizime në Pushtetin Qeveritar, Rend dhe Siguri, Mungesa e Korrupsionit dhe Qeverisje e hapur. Kryeministri thekson se mbeten të përkushtuar për të bërë më shumë në forcimin e sektorit të drejtësisë, sipas tij një nga prioritetet tona kryesore për mandatin e ardhshëm.

Postimi i plotë:

Kur pjesa më e madhe e botës përballet me një rënie të sundimit të ligjit, Kosova vazhdon të jetë ndër vendet e pakta që shënon përmirësim të rezultatit të sundimit të ligjit në Indeksi i Sundimit të Ligjit 2025 të Projektit të Drejtësisë Botërore (World Justice Project).

Këtë vit, vendi ynë renditet i 3-ti në rajon, në mesin e 15 vendeve të Evropës Lindore dhe Azisë Qendrore; dhe i 2-ti në mesin e gjashtë vendeve të Ballkanit Perëndimor (BP6), duke vënë kështu në pah progresin tonë të qëndrueshëm gjatë pesë viteve të fundit.

Në mesin BP6, Kosova kryeson në katër fusha kryesore:

Kufizime në Pushtetin Qeveritar

Rend dhe Siguri

Mungesa e Korrupsionit

Qeverisje e Hapur

Rezultate na tregojnë se po ecim në drejtimin e duhur - teksa mbetemi të përkushtuar për të bërë më shumë, veçanërisht në forcimin e sektorit tonë të drejtësisë, si një nga prioritetet tona kryesore për mandatin e ardhshëm. /CNA





Lajmet e fundit nga