web counter
LEXO PA REKLAMA!

SHKARKO APP

App Store
Google Play

Masakra në Kretë/ Raportohet për dy persona të shpallur në kërkim, policia blindon zonën

1 Nëntor 2025, 16:12, Kosova & Bota CNA

Masakra në Kretë/ Raportohet për dy persona të shpallur

Një ngjarje e rëndë ka tronditur Kretën nga masakra e shkaktuar nga një konflikt mes dy familjeve në Heraklion. Sipas raportimeve, nga shkëmbimi i zjarrit mes anëtarëve dy familjeve janë shkaktuar viktima dhe dhjetëra të plagosur.

Mediat greke raportojnë po ashtu se lidhur me ngjarjen janë shpallur në kërkim dy persona, dhe policia e cila ka rrethuar fshatin po punon për kapjen e tyre.

Bëhet po ashtu me dije se përveç krerëve të Policisë Greke dhe FBI-së Greke që po zbresin në ishull, në Kretë do të mbërrijë edhe një ekip nga Ekipi Special Antiterrorist (EKAM), i cili do të vendoset përgjithmonë në fshat për të ruajtur rendin aty.

Sipas informacioneve fillestare, gjithçka ka filluar pasi një bombë shpërtheu në një shtëpi në Heraklion të premten në mbrëmje. Anëtarët e familjes që zotëronin shtëpinë dyshohet se morën armët dhe sulmuan të afërmit e palës kundërshtare. Situata përshkruhet si kritike dhe autoritetet kanë frikë nga një përshkallëzim i sulmit brenda orëve të ardhshme. /CNA





Lajmet e fundit nga