web counter
LEXO PA REKLAMA!

SHKARKO APP

App Store
Google Play

“Liridona u vra se ishte grua”/ Albin Kurti: Dhimbja e madhe, arrestimi i kriminelëve nuk po mjafton

3 Dhjetor 2023, 17:45, Kosova & Bota CNA

“Liridona u vra se ishte grua”/ Albin Kurti: Dhimbja e madhe,

Kryeministri i Kosovës, Albin Kurti ka reaguar në rrjetet sociale lidhru me ngjarjen e rëndë të ndodhur në Kosovë ku bashkëshorti Naim Murseli porosity vrasjen e gruas dhe nënës së dy fëmijëve të tij, Liridona Ademaj.

Kurti thotë se Liridona Ademaj u vra me paramendim, uvra se ishte grua.

Sipas Kurtit arrestimi i kriminelëve nuk po mjafton, barra e padrejtësive të sistemit të drejtësisë vazhdon të bie mbi supet e grave dhe vajzave.

Postimi i plotë:

Liridona Ademaj u vra me paramendim. U vra se ishte grua.

Gratë dhe vajzat po vazhdojnë të vriten, gjersa normat shtypëse patriarkale ende janë të shpërndara gjerë.

Arrestimi i kriminelëve nuk po mjafton. Barra e padrejtësive të sistemit të drejtësisë vazhdon të bie mbi supet e grave dhe vajzave, përderisa kryesit e krimeve nuk marrin dënime meritore.

Sot ishte seanca dëgjimore, ku tre të dyshuarve iu caktua nga një muaj paraburgim. Urdhërdhënësi, dorasi dhe bashkëpunëtori në vrasjen e Liridonës duhet të ndëshkohen dhe ta marrin dënimin maksimal. Kjo bëhet me një sistem prokurorial e gjyqësor efektiv dhe të vetëdijshëm për detyrën e lartë shoqërore që bartin.

Dhimbja është e madhe. Ndërgjegja është kolektive, në secilën familje, shtëpi.

Për ta parandaluar këso krime makabër, duhet të punojmë secili e secila, në secilën fushë e vend.

Këtë kulturë patriarkale e mizogjene, këtë maskulinitet të dhunshëm e toksik e zhdukim vetëm ashtu.

E qytetarët e Republikës presin nga zyrtarët publikë që punojnë (apo kanë punuar) në institucionet shtetërore se duhet të jenë shembull pozitiv e progresiv në shoqëri për sjelljen e tyre ndaj partnerëve dhe në familje e jo kriminelë a mujsharë që besojnë se ia dalin./ CNA





Lajmet e fundit nga