web counter
LEXO PA REKLAMA!

SHKARKO APP

App Store
Google Play

Kurti kërkon që Serbia të ndëshkohet ndërkombëtarisht për sulmin në Banjskë

28 Shtator 2023, 12:41, Kosova & Bota CNA
Kurti kërkon që Serbia të ndëshkohet
Albin Kurti

Kryeministri Kosovës, Albin Kurti, gjatë fjalës së tij në Kuvend u shpreh se Serbia duhet të ndëshkohet ndërkombëtarisht për sulmin e së dielës në Banjskë të Zveçanit, ku mbeti i vrarë polici i Kosovës, Afrim Bunjaku.

Sipas Kurtit, nëse Serbia nuk sanksionohet, atëherë ajo do ta përsërisë krimin. 

“Të dielën përjetuam një sulm agresioni të bandave kriminale e terroriste të Serbisë ndaj shtetit tonë. Sulmi i orkestruar i bandave terroriste, vrau rreshterin Afrim Bunjaku dhe plagosi një polic tjetër. Ishte një ditë e rëndë për vendin tonë.  Terroristët ose janë vrarë, ose janë arrestuar ose janë në ndjekje pasi që ikën. Afrim Bunjaku është heroi më i ri i Kosovës. Ai u vra në pritë. Me t'u zbardhur drita, u pa që çfarëdo bande kriminale dhe terroriste nuk kanë kurrfarë shansi ndaj Policisë së Kosovës”, ka shtuar ai.

Sipas tij,  të dielën, kishte sulm terrorist dhe kriminal i cili cenoi sigurinë kombëtare të Kosovës.

“Sulmuesi që po ikin duhet të dorëzohet në organet e Kosovës. Këto organizata duhet të shpallen terroriste edhe nga vendet partnere. Për këtë akt, Serbia duhet të sanksionohet e ndëshkohet ndërkombëtarisht, sepse nëse kalon e pandëshkuar, atëherë ajo do ta përsërisë krimin”, ka thënë kryeministri Albin Kurti.

 

 





Lajmet e fundit nga