LEXO PA REKLAMA!

SHKARKO APP

Kritikoi ushtrinë ruse për luftën në Ukrainë/ 19 vjeçarja rrezikon disa vite burg

29 Janar 2023, 18:02, Kosova & Bota CNA
Kritikoi ushtrinë ruse për luftën në Ukrainë/ 19
Foto ilustruese

Olesya Krivtsova, studentja 19 vjeçare ruse, rrezikon të vuajë disa vite burg, për një postim në rrjetet sociale, ku kritikonte luftën në Ukrainë.

19 vjeçarja është në arrest shtëpie, ku në njërën këmbë mban byzylykun elektronik të vendosur nga policia dhe në këmbën tjetër tatuazhin kundër Putin.

Sipas autoriteteve , shkruan CNN, posti,met në mediat sociale, deskreditojnë ushtrinë ruse dhe justifikojnë terrorizmin.

Krivtsova është shtuar në listën e terroristëve dhe ekstremistëve, në të njëjtin nivel me ISIS-in, Al Kaedën dhe Talibanët, për postimin e një statusi në Instagram rreth shpërthimit në urën e Krimesë të ndodhur në tetor, ku kritikonte gjithashtu Rusinë për pushtimin e Ukrainës.

Aktualisht, Krivtsova po qëndron në arrest shtëpiak në apartamentin e nënës së saj në Severodvinsk, rajoni i Arkhangelsk, ku i është ndaluar të hyjë në internet dhe të përdorë forma të tjera komunikimi.

"Rasti i Olesya nuk është i pari, as i fundit," tha Alexei Kichin, avokati i Krivtsova për CNN.

Kichin tha se 19 vjeçarja mund të përballet me tre vjet burg për diskreditimin e ushtrisë ruse dhe deri në shtatë vjet burg sipas nenit të justifikimit të terrorizmit. Por mbrojtja ligjore e Krivtsova shpreson për një dënim më të butë siç është gjoba./ CNA.al

Marrë nga CNN.

Lajmet e fundit nga