LEXO PA REKLAMA!

SHKARKO APP

App Store
Google Play

Çekët votojnë në raundin e dytë të zgjedhjeve presidenciale

28 Janar 2023, 09:57, Kosova & Bota CNA
Çekët votojnë në raundin e dytë të zgjedhjeve
Ish-kryeministri çek, Andrej Babish (majtas) dhe gjenerali i pensionuar i NATO-s, Petr Pavel

Çekët po votojnë për të zgjedhur pasuesin e presidentit aktual, Milos Zeman, mandati i dytë i të cilit përfundon në mars.

Në garë janë ish-gjenerali i NATO-s, Petr Pavel dhe ish-kryeministri Andrej Babish, një miliarder popullist.

Qendrat e votimit janë hapur të premten në orën 14:00 dhe mbyllen sot në të njëjtën orë. Ndërsa rezultatet preliminare të zgjedhjeve pritet të bëhen publike në pasditen e së shtunës.

Të drejtë vote kanë 8.3 milionë banorë.

Në Republikën Çeke, roli i presidentit është ceremonial, mirëpo presidenti i jep mandat qeverisë dhe është komandant i përgjithshëm i forcave të armatosura.

Tema dominuese në zgjedhje ka qenë lufta e Rusisë në Ukrainë.

Babish, 68-vjeçar, ka tentuar të portretizojë kundërshtarin e tij si luftënxitës dhe ka bërë thirrje për organizimin e një konference të paqes në Pragë.

Pavel, i cili është 61-vjeçar, ka qenë në favor të dërgimit të ndihmës në Kiev.

Në rundin e parë të zgjedhjeve, rezultati mes tyre ka qenë i ngushtë - të dy kanë fituar rreth 35 për qind të votave. Sondazhet e nxjerrin fitues Pavelin./ REL

Lajmet e fundit nga