LEXO PA REKLAMA!

SHKARKO APP

DARKA E FUNDIT/ Ekzekutori u shfaq në lokalin ku po hante çifti, ndërroi makinën para ngjarjes

4 Dhjetor 2023, 14:10, Kosova & Bota CNA
DARKA E FUNDIT/ Ekzekutori u shfaq në lokalin ku po hante çifti,
Naim Murseli dhe Liridona Ademaj

Detaje tronditëse kanë dalë nga vrasja e Liridona Ademajt në Prishtinë. Naim Murseli, i cili planifikoi vrasjen e gruas së tij, e ftoi këtë të fundit në një darkë mbërmjen e së mërkurës, e cila rezultoi e fundit për nënën e dy fëmijëve. 

Dyshohet se Naim Murseli në bashkëpunim me Liridon Kokallën dhe Granit Plavën organizuan vrasjen e Liridona Ademajt. Ata u kujdesën që plani të zhvillohej pa probleme, duke tentuar të fshihnin edhe gjurmët. 

"Indeksonline" raporton se Granit Plava është parë në oborrin e restorantit duke kontrolluar situatën para krimit.

Më pas Granit Plava dhe Liridon Kokalla dyshohet se kanë marrë udhën paraprakisht drejt vendit tragjik ku ishte planifikuar vrasja e Liridona Ademajt. Gjatë rrugës ata kanë ndërruar veturën me të cilën ishin nisur nga restoranti në Graçanicë.

Liridona Ademaj u vra me një plumb në qafë në një zonë të fshehtë në fshatin Sinidoll të Prishtinës, aty ku ishte organizuar vrasja makabre.

Naim Murseli në seancën e fundit dëgjimore deklaroi se nuk kishte ikur nga vendi i ngjarjes madje kishte qenë edhe vetë i rrezikuar, duke mohuar kështu përfshirjen në vrasjen e bashkëshortes së tij, një deklaratë kjo kontradiktore, krahasuar me të parën ku kishte thënë se ka urdhëruar vrasjen e bashkëshortes./CNA

 

 

Lajmet e fundit nga