LEXO PA REKLAMA!

SHKARKO APP

Nis regjistrimi i popullsisë në Malin e Zi

3 Dhjetor 2023, 20:22, Kosova & Bota CNA
Nis regjistrimi i popullsisë në Malin e Zi
Foto ilustruese

Këtë të dielë në Mal të Zi ka nisur regjistrimi i popullsisë. Kjo u bë e mundur pas shtyrjes disa herë të datës së parashikuar, pas kërkesës së partive opozitare në vend.

Regjistrimi i popullsisë në Mal të Zi duhet të kishte më 1 tetor dhe më 30 nëntor.

Kryeministri i Malit të Zi, Milojko Spajiç ofroi shtyrjen e tij për disa kohë, pasi partia opozitare, Partia Demokratike e Socialistëve e ish presidentit Milo Gjukanovç, kërkoi plotësimet e të gjitha kushteve të parashikuara në marrëveshjen e firmosur mes opozitës dhe kryeministrit, për regjistrimin e popullsisë.

Gjatë ditës së sotme, Administrata e Statistikave të Malit të Zi njoftoi se janë plotësuar të gjitha kushtet për mbajtjen e regjistrimit të popullsisë.

Regjistrimi i popullsisë në Mal të Zi, sipas analistëve është shndërruar në një çështje politike mes grupimeve më të mëdha politike, të pro-malazezëve dhe të atyre pro-serbe. Analistët theksojnë se regjistrimi i popullsisë, që nisi sot, mund të përmbysë strukturën kombëtare të popullsisë në shtetin e vogël ballkanik.

Edhe në raportin e Komisionit Europian, u theksua se regjistrimi i popullsisë dhe banesave në Mal të Zi kërkon menaxhim të kujdesshëm nga autoritetet, veçanërisht kur bëhet fjalë për çështje të ndjeshme që lidhet me etninë, fenë dhe gjuhën.

Lajmet e fundit nga