web counter
LEXO PA REKLAMA!

SHKARKO APP

App Store
Google Play

E fundit!

x

Takimi me fermerët në Gjergjan/ Berisha: Politika që ndoqi qeveria Rama ishte shkatërrimtare

2025-04-20 18:12:00, Politikë CNA

Takimi me fermerët në Gjergjan/ Berisha: Politika që ndoqi

Kreu i Partisë Demokratike, Sali Berisha zhvilloi këtë pasdite një bashkëbisedim me fermerët në Gjergjan të Elbasanit. Gjatë këtij takimi, Berisha u ndaledhe te programi ‘PD-Shqipëria Madhështore'.

Në fjalën e tij, Berisha tha se problemi më i madh për fermërët është se 80% të produkteve prodhohen jashtë Shqipërisë.

Berisha theksoi se sektori i bujqësisë dhe blegtorisë, që është një sektor bazë, është pothuajse krejtësisht i braktisur nga kjo qeveri.

Berisha tha se në këtë drejtim, politika që ndoqi kjo qeveri, ishte një politikë shkatërrimtare.

“Ne, vijmë në këtë takim me ju, pasi në 12 vite fermat tuaja, prodhimet tuaja, mundi juaj, ka njohur vështirësi të mëdha, humbje të ndjeshme, rrokullisje serioze.

Sot, po të shkojmë në dyqanet e Elbasanit, të Tiranës dhe kudo, 80% të produkteve prodhohen në Shumadi, në Banat, prodhohen jashtë Shqipërisë.

Sot, sektori i bujqësisë dhe blegtorisë, që është një sektor bazë, në të cilin punësohen rreth gjysmë milioni shqiptarë, është një sektor për të mos thënë krejtësisht, por pothuajse krejtësisht i braktisur nga kjo qeveri. Ky sektor i jep vendit 90% të prodhimit të brendshëm. Ky sektor financohet vetëm 0.5% të prodhimit të brendshëm.

Ju nuk jeni më pak punëtorë se sa fermerët e Maqedonisë, të Kosovës, apo të Serbisë, ose të Malit të Zi. Jo, ju jeni shumë punëtorë. Dhe sigurisht, ju doni që fermat tuaja, serrat tuaja, stallat tuaja, të ecin përpara, t’u begatojnë, të pasurohen.

Por, kjo nuk ndodh. Sepse, me politikën që ndoqi kjo qeveri, ishte një politikë shkatërrimtare. Hapi kufijtë, doganat për prodhimet e Serbisë, Maqedonisë, fermerë të të cilave, subvencionohen nga 5 gjer 8 herë më shumë se ju.

Pra, në qoftë se ju merrni 100 euro subvencion, fermeri në Maqedoni merr 500 euro subvencion, fermeri në Kosovë merr 400 euro subvencion, fermeri në Serbi merr 700 ose 800 euro subvencion.

Ky është realiteti. Kjo është e vërteta!

Çfarë ndodh?

Ndodh që ju nuk konkurroni dot në tregje, sepse ai e ka të subvencionuar çmimin, dhe fëmijët tuaj largohen ëpr të ndërtuar ëndrrën e tyre, jo në Elbasan, jo në Shqipëri, po për ta ndërtuar në Itali, Greqi, dhe në vende tjera”,-tha Berisha./CNA

 

 





Lajmet e fundit nga