web counter
LEXO PA REKLAMA!

SHKARKO APP

App Store
Google Play

“Regres i lirive dhe të drejtave të njeriut”/ Shkullaku: Shqipëria rikthehet aty ku ishte 24 vite më parë

2025-06-23 22:29:00, Politikë CNA

“Regres i lirive dhe të drejtave të njeriut”/ Shkullaku:

Gazetari Armand Shkullaku tha sot se problemi me lirinë dhe të drejtave të njeriut në Shqipëri e kthen vendin 24 vite para.

I ftuar në ‘Syri Tv’, Shkullaku renditi katër aspektet që përdor pushteti për atë që e quajti si regres të jashtëzakonshëm.

“Mbas 24 vitesh, Shqipëria rikthehet atje ku ishte.

Pse rikthehet atje ku ishte? Sepse kemi një situatë ku një regres i jashtëzakonshëm në liritë e të drejtat e njeriut, ku përfshihet dhe e drejta për të zgjedhur. Pushteti nuk përdor vetëm avantazhin që ka, administrata, burimet shtetërore, një lloj presioni indirekt, etj., këto janë të kuptueshme.

Jo, këtu pushteti përdor 1) paratë e krimit, 2) sistemin e drejtësisë, 3) përdor pushtetin e katërt që janë mediat, 4) ka zhdukur dhe atë që prodhon një lloj lirie që është konkurrenca midis edhe oligarkëve, ose midis kapitalit.

Këtu çfarë ndodh? Këtu edhe punën, biznesin e ndan kryeministri. Ky do marrë Llogaranë, tjetri Thumanën, tjetri do marrë unazën e vogël, tjetra koncesionin e sterilizimit. Këtu dhe punën e ndan një njeri i vetëm dhe në këto kushte, zgjedhjet nuk mund të jenë të lira.

Kur shkon një parti me të gjithë arsenalin, dhe po flasim për një kontroll total, duke filluar nga bashkitë, pushteti qendror, parlamenti, gjykatat, prokuroria, mediat dhe deri tek biznesi.

Prandaj them unë që ky raport paraprak është në këto nivele. Ne i kishim harruar këto gjë. Kishim të paktën 24 vjet që nuk dëgjonim raporte të tilla për Shqipërinë. Këto skena i mbaj mend në 2001, që ishte vjedhje për ditën me diell.

Me një të huaj po diskutoja  dhe i them shiko këto video; ku në një dyqan, një njeri merr fletën e votimit, vulat dhe i vulos e merr fletën e votimit dhe ikën jashtë. Një tjetër vjen e merr 4 fletë votimi dhe i fut brenda. Pastaj shikon fletët nëse ke votuar siç duhet dhe i fut në kuti. Shkon atje dhe i plotëson dhe dikush që e sheh këtë gjë, thotë se këtu nuk mund të jenë zgjedhje, por estradë.

Këtu komisioneri voton 4 herë, dikush merr fletën e votimit dhe del jashtë. Vetëm kaq mjafton për ti quajtur zgjedhjet anormale”,- tha Shkullaku./CNA





Lajmet e fundit nga