web counter
LEXO PA REKLAMA!

SHKARKO APP

App Store
Google Play

Meta vijon lajthitjen, e quan Dumanin laraskë

2024-04-21 14:07:00, Politikë CNA
Meta vijon lajthitjen, e quan Dumanin laraskë
Ilir Meta

Kreu i Partisë së Lirisë, Ilir Meta vijon me akuzat ndaj kreut të SPAK, Altin Dumani. Në konferencën e sotme me gazetarët ai theksoi se nuk i llogarit laraskat dhe se ato nuk do ta trembin kurrë Ilir Metën. 

"S’ka nevojë gjykata të na pyesë sepse vendosim ne. Ky është zoti Dumani. Padyshim që nëse janë të vërteta informacionet që Dumani duke kapur disa laraska, do të dojë trembë Ilir Metën. Unë nuk llogaris laraskat. Mbetet që ai është zoti Dumani dhe jo sozia e tij e shpikur nga Berisha për ta diskretituar. Kalojmë te torollaku (për Ramën). Ilir Meta ka një durim tipik strategjik. Pavarësisht nga ky durim strategjik, në të gjithë angazhimin e tij publik, është i qartë dhe gjithçka ka paralajmëruar për çështje të rëndësishme, e ka konfirmuar koha. Basha gënjen edhe për orën, kjo është provuar botërisht. Djegia e mandateve është një shërbim që ia ka bërë Basha Ramës, kjo është e vërtetuar. Ju kam thënë se Basha, me vetëdije të plotë i kapur nga Rama dhe Mcgonigalët e tij, që të linte bashkitë, është e vërtetuar. Është fakt publik që Meta për shkak të interesit publik, shtyhu zgjedhjet dhe datën e zgjedhjeve që vendosi Meta më pas, e caktoi vetë Lulzim Basha, më 10 tetor", tha Meta./CNA 





Lajmet e fundit nga