web counter
LEXO PA REKLAMA!

SHKARKO APP

App Store
Google Play

E fundit!

x

Edi Rama lëshon Veliajn: Drejtësia të merret me këdo që është i korruptuar

2024-04-20 11:00:00, Politikë CNA
Edi Rama lëshon Veliajn: Drejtësia të merret me këdo që
Edi Rama dhe Erion Veliaj

Pas plasjes të skandalit me një tufe drejtorësh të arrestuar në Bashkinë e Tiranës, Edi Rama ka gjetur mënyrën për tju përgjigjur akuzave, të cilat shkojnë edhe në drejtim të qeverisë të tij.

Kryeministri nuk ka kursyer asnjë zyrtar të tijin duke theksuar se s'ka të praprekshëm dhe drejtësia të merret me këdo që është i korruptuar, një fjali që shkon si mesazh i tij se asnjë nga zyrtarët socialist përfshi dhe kryebashkiakun Erion Veliaj, nuk duhet t'i shpëtojë drejtësisë.

Edi Rama e pranon publikisht që ka problem me korrupsionin, ndryshe nga Erion Veliaj që i quan punë normale të procedurave të bashkisë.

“Është e vërtetë që kemi probleme, pasi do të ishte e kotë t’i mohonim”, thekson kryeministri.

Më tej Rama nënvizon “kemi një moment shumë të rëndësishëm ndryshimi, sa është inkurajues dhe fragjil dhe garantimi i paprekshmërisë së procesit është i domosdoshëm”.

Në fakt sistemi i drejtësisë po sulmohet sa politikisht, sa nga krimi aq edhe nga skemat dhe skenarët me komisione "Ad Hock" apo me lojën nën rogoz të Erion Veliajt për të nxjerë sa më shpejt nga burgu drejtorët e tij hadutë. Kur në fakt ka dhe përsona të tjerë të përfshirë dhe nën hetim në Bashkinë e Tiranës.

Këtu qartazi kryeministri mbështet betejën e SPAK dhe thekson se lufta me korrupsionin nuk është thjesht lufta e drejtësisë, por një luftë për të pasur në të gjithë frontin e institucioneve.

"Duhet të ngremë shumë më tepër stekën e luftës kundër korrupsionit në të gjithë frontin", ky apel i Ramës dukët si një thirrje e tij për SPAK që të marrë nën hetim edhe kryebashkiakun Erion Velaij, i cili kishte mbledhur dhe mban pas vetës një tufë 99-çash pa asnjë kotribut politik, ata funksionojnë si një organizatë hajdutësh në shërbim të pushtetit të Velaijt.

Edi Rama nuk kursen as propozimet direkte pas protestës të djeshme të qytetarëve kundër kryebashkiakut.

Sipas Ramës, “duhet gjetur një formë mendoj, duhet një, duhet diçka konkrete që qytetarët të ndihen shumë të kënaqur që, ok, drejtësia të merret me këdo që është i korruptuar, por nga anën tjetër, duhet reagim i brendshëm ndaj korrupsionit”./CNA 





Lajmet e fundit nga