web counter
LEXO PA REKLAMA!

SHKARKO APP

App Store
Google Play

Kreu i LDK-së refuzoi ta takojë/ Flet Presidenti Begaj: Ftesën ia bëra unë

2022-08-16 21:28:00, Politikë CNA
Kreu i LDK-së refuzoi ta takojë/ Flet Presidenti Begaj: Ftesën ia
Presidenti Bajram Begaj

Një ditë më parë kreu i LDK-së, Lumir Abdixhiku, refuzoi të takonte presidentin Bajram Begaj, me argumentin se takimi ishte kërkuar në zyrat e Kuvendit dhe jo në selinë e LDK-së.

Për refuzimin e Abdixhikut, ka folur mbrëmjen e sotme vetë Begaj, i cili tha se vendi i takimit ishte i paracaktuar.

Në një intervistë për RTK, Kreu i Shtetit deklaroi se kishte dëshirë që takimet të bëheshin në nivelin që i takon Presidentit.

“Unë jam Presidenti i Republikës së Shqipërisë dhe erdha në Kosovë për të biseduar si në shtëpinë time, doja t’i mbaja këto takime aty që është edhe tempulli politik, në Kuvendin e Kosovës. Ftesa ime ka qenë mjaft e qartë, në Kuvendin e Republikës së Kosovës. Në përgjigjen e LDK-së, thuhet se Presidenti i Shqipërisë ishte i mirëpritur në godinën e LDK-së.

Aktualisht ftesa ishte e bërë nga ana jonë, nga protokolli i Kuvendit të Kosovës dhe takimet ishin të paracaktuara. Unë erdha me ftesë të Presidentes së Kosovës dhe doja që takimet të bëheshin në nivelin që i takon Presidentit. Personalisht doja që takimet mes partive politike shqiptare të bëheshin bashkë, jo të ndara, nuk ia arrita dot, mision i pamundur, i takova veç e veç”, theksoi Begaj./ B.A. - CNA.al





Lajmet e fundit nga