web counter
LEXO PA REKLAMA!

SHKARKO APP

App Store
Google Play

Kryemadhi akuza Veliajt/ Kujdeset vetëm për koncesionet dhe kullat e oligarkëve

2022-08-15 17:26:00, Politikë CNA
Kryemadhi akuza Veliajt/ Kujdeset vetëm për koncesionet dhe kullat e
Ish-kryetarja e LSI-së, Monika Kryemadhi

Ish-kryetarja e LSI-së, Monika Kryemadhi, ka hedhur akuza ndaj kryebashkiakut të Tiranës Erion Veliaj, në një reagim për një artikull të medias ndërkomëbtare “The Guardian”, që përmend kullat e Tiranës.

Kryemadhi ka publikuar një analizë të analistit Andi Bushati dhe deklaron se Veliaj kujdeset e merakoset vetëm për koncesionet dhe kullat e oligarkëve.

Sipas saj, kryebashkiaku e ka kthyer Tiranën në kryeqytetin e korrupsionit, që zbraset përditë, duke i lënë trashëgimi vetëm betonin e pastrimit të parave të pista.

“Vetëm "avokat i inceneratorëve" Erion Veliaj që firmos, kujdeset e merakoset vetëm për koncesionet dhe kullat e oligarkëve, mund ta kthente Tiranën nga kryeqyteti, që gumëzhinte nga energjia e brezit të ri, në kryeqytetin e korrupsionit, që zbraset përditë, duke i lënë trashëgimi vetëm betonin e pastrimit të parave të pista. Ndaj në të ardhmen e afërt, është jetike të zgjedhim drejtues që i kthejnë fjalët në vepra, jo gënjeshtar pa fytyrë që e thyejnë besimin dhënë nga votuesit.

Ju ftoj të gjithëve, sidomos qytetarëve taksapagues në Tiranë, të lexoni këtë artikull të gazetarit të mirënjohur Andi Bushati, që radhit fakte të trishta, për drejtimin e gabuar ku po zhytet kryeqyteti i shqiptarëve”, shkruan ajo në rrjetet sociale./ B.A. – CNA.al





Lajmet e fundit nga