web counter
LEXO PA REKLAMA!

SHKARKO APP

App Store
Google Play

Begaj takon Kurtin e Konjufcën/ Mbështetja ime për Kosovën, e palëkundur

2022-08-15 16:50:00, Politikë CNA
Begaj takon Kurtin e Konjufcën/ Mbështetja ime për Kosovën,
Presidenti Bajram Begaj dhe kryeministri i Kosovës, Albin Kurti.

Presidenti Bajram Begaj ka zhvilluar pasditen e sotme takime me kryetarin e Kuvendit të Kosovës, Glauk Konjufca dhe kryeministrin Albin Kurti.

Kreu i Shtetit ka deklaruar se Kosova dhe institucionet e saj do të gjejnë tek Presidenti një mbështetës besnik dhe mik të palëkundur të interesave të tyre.

Presidenti ka përshëndetur angazhimin e dy qeverive për zhvillimin e një Kuvendi Kombëtar më 28 nëntor 2022, moment që sipas tij, do të përcjellë për mbarë popullit shqiptar dhe bashkësisë ndërkombëtare mesazhe të unitetit të faktorit shqiptar dhe aspiratave tona për zhvillim, paqe dhe vlerat më të mira demokratike.

Begaj takon Kurtin e Konjufcën/ Mbështetja ime për Kosovën,
Presidenti Bajram Begaj dhe kryetari i Kuvendit të Kosovës, Glauk Konjufca

Begaj ka përshëndetur gjithashtu maturinë e institucioneve të Kosovës në përballimin e krizës së 31 korrikut dhe mbështeti të drejtën legjitime të Kosovës për shtrirjen e autoritetit dhe vendosjen e sundimit të ligjit në veri të vendit, në bashkëpunim me ShBA-në dhe BE-në.

Në takimin me kryeministrin Kurti dhe kryeparlamentarin Konjufca, Kreu i Shtetit theksoi se, abetarja e përbashkët do të jetë gati për 110 vjetorin e pavarësisë së Shqipërisë dhe do të punohet për projektin madhor të Enciklopedisë shqiptare./ CNA.al

Begaj takon Kurtin e Konjufcën/ Mbështetja ime për Kosovën,





Lajmet e fundit nga