web counter
LEXO PA REKLAMA!

SHKARKO APP

App Store
Google Play

Fatos Lubonja zbërthen deklaratat e Metës/ Çfarë fshihet pas presioneve të ish-Presidentit

2022-08-12 19:47:00, Politikë CNA
Fatos Lubonja zbërthen deklaratat e Metës/ Çfarë fshihet
Analisti Fatos Lubonja

Analisti Fatos Lubonja, ka zbërthyer deklaratat e kreut të Partisë së Lirisë, Ilir Meta për qeveri teknike në vjeshtë.

Lubonja tha se retorikat e Metës tingëllojnë si presion e shantazh, por janë të nxituara dhe mund të fshehin një koalicion.

“Retorikat tingëllojnë si presion e shantazh në kuptimin që i drejtohet kundërshtarit që nuk e ke të gjatë. Po ta shohësh me mendje të ftohtë janë të nxituara, sepse mendojmë që këtu do të ketë një koalicion. Nuk mund të flasësh për qeveri teknike pa u marrë vesh me PD-në mbi projektin e programin. Në rastin më të mirë, nëse shkohet si dy parti e një koalicion, duhet bërë edhe përqindja sa fiton njëri apo tjetri.

Një qeveri teknike në shtator do të thotë rrëzimin ose dorëheqjen e qeverisë. Berisha flet për protesta, Meta për qeverinë teknike, është dëshira e pasioni i tyre, por me kë ushtri do ta rrëzosh qeverinë? Apo mos është më mirë që të mos flasësh me nxitim për afate kohore, por për një punën sistematike afatgjatë deri në zgjedhjet e ardhme dhe shkon e fiton me zgjedhje?”, u shpreh ai.

Analisti deklaroi në rubrikën “Opinion” se presionet janë pjesë e ndeshjes finale që vendos kush fiton, kush humbet dhe kush del nga loja.

"Presionet janë pjesa tjetër e lojës. Kemi të bëjmë me një ndeshje finale, ku përjashton njëri tjetrin, kush fiton, kush humbet, kush del nga loja. Është ashpërsuar gjuha dhe denoncimet nga të dyja anët. Është dëshpëruese për njerëzit që ka këtë gjuhë, akuzohet por nuk ka platformë.

Nëse do që njerëzit të kalojnë oqeanet, mos mendo të ndërtosh anijen, por futu njerëzve dashurinë për të kaptuar oqeanet dhe i ndërtojnë vetë anijet. Është problemi të ndërtohet kjo një herë. Ka një numër i madh që do ndryshimin, por se sa do të mbështesin këta është gjë tjetër”, nënvizoi Lubonja./ B.A. – CNA.al





Lajmet e fundit nga