Inceneratori i Tiranës/ Këlliçi: Rama miratoi bunus për një kompani që nuk ekzistonte, Veliaj dëshmitar okular

2025-03-06 16:35:00, Politikë CNA

Inceneratori i Tiranës/ Këlliçi: Rama miratoi bunus për

Drejtuesi politik i PD për Tiranën, Belind Këlliçi i ftuar në “Task Force” në Syri TV është ndalur te afera e inceneratorit të Tiranës. Këlliçi tha se në dhjetor të vitit 2016, kryeministri Rama i ka dhënë bonus një kompanie që nuk ekzistonte ende.

Shkelje e cila tha Këlliçi, ka vazhduar dhe nga Veliaj, që në mars të vitit 2017 mori kompetencat e të 5 bashkive të qarkut Tiranë dhe me firmën e tij dhe vulë i hapi rrugën koncesionit 30-vjeçar, ku vlera e kontratës së parë ishte 128 milionë euro. Kompania të cilës iu dhanë lekët, u krijua 8 muaj pas firmës së Ramës, u shpreh Këlliçi.

“Firma e Edi Ramës në vendimin e qeverisë ku miratohet 8% i bonusit në dhjetor të vitit 2016, për një kompani që nuk ekzistonte ende është rast unikal në botë dhe për atë firmë që është patjetër në dijeni Edi Rama se është i zoti punës që ka firmosur, por është dhe Erion Veliaj që ka ndjekur procedurën. Tre muaj më mbrapa, në mars të vitit 2017 shkeli ligjin për vetëqeverisjen vendore, mori kompetencat e këshillit bashkiak Tiranë. Sepse për çdo angazhim buxhetor në Bashkinë e Tiranës, dhe për një ndihmë ekonomike do duhet të shprehet këshilli bashkiak.

Mori dhe kompetencat e 5 bashkive të qarkut, pra 4 bashkive të tjera të qarkut Tiranë dhe i hapi rrugë me firmën e tij dhe me vulën e Bashkisë Tiranë këtij koncensioni për 30 vite, në vlerën atëherë 128 milionë euro u firmos kontrata e parë. Kjo kompani u krijua 8 muaj më pas pasi firmosi Rama dhe Erion Veliaj është dëshmitar okular i kësaj afere, i kësaj vjedhje. Është pronar faktik 50%, siç na e ka thënë Arben Ahmetaj dhe 50% pronari tjetër faktik është ai që pi verë 33 mijë euro në ditë, që quhet Edi Rama”, tha Këlliçi.

Këlliçi po ashtu foli dhe për reagimet e Erion Veliajt nga qelia, të cilat i quajti mesazhe të koduara për Ramën. Mesazhe thotë Këlliçi, që çështja e arrestimit të Velaijt të rrijë vetëm te rrobat e Ajolës dhe mos të shkohet te inceneratori i Tiranës apo dosja “5D”.

“Është mesazh për Ramën që çështja të rrijë te diskutimi a janë blerë rroba fustane 860 mijë euro dhe mos të shkohet në thelb, mos të shkohet te inceneratori i Tiranës ku janë 140 milionë euro që janë zhdukur dhe të mos shkohet deri në fund te “5D”. Te hotelet e miqve të Veliajt, te hotelet e drejtorëve del që shkon dhe Edi Rama, kemi nxjerrë foto, e kemi parë në media. Të gjitha mesazhe të koduara, gjuhë mafioze”, u shpreh Këlliçi./ CNA