web counter
LEXO PA REKLAMA!

SHKARKO APP

App Store
Google Play

Faktet/ Veliaj bashkohet me Berishën kundër SPAK-ut pas arrestimit të drejtorëve

2024-04-06 15:06:00, Politikë CNA
Faktet/ Veliaj bashkohet me Berishën kundër SPAK-ut pas arrestimit
Erion Veliaj dhe Sali Berisha

Erion Veliaj flet herë pas here edhe me subkoshiencën e tij. Sot në daljen mediatike që bëri, ai tha se mediat i kishin kryqëzuar drejtorët dhe prezumohet pafajësia derisa ka një vendim gjykate. Megjithëse për drejtorët e Erion Veliajt si Redi Mollën apo Mariglen Qaton e Taulant Tushën ka vendime gjykatash, për të fundit janë dy.

Erion Veliaj kishte mitin e njeriut të pathyeshëm, të paprekshëm dhe që i mbante njerëzit, kurse Rama i lëshonte. Tashmë, Erion Veliaj jo vetëm ka lëshuar drejtorët, por po lëshon edhe veten e tij.

Nga ana tjetër, foli dhe bërtiti se mediat kishin bërë gjyq dhe nuk mund ta bënin këtë, nuk mund të silleshin si prokurorë, por duhet të respektonin të drejtën e prezumimit të pafajësisë për Redi Mollën, për Tushën, drejtorët e tjerë të Bashkisë së Tiranës, që herë i mohon, herë i pranon, pastaj i shkarkon.

Në fakt, Erion Veliaj ka bërë thirrje për prezumimin e pafajësisë së ish-kryeministrit Berisha. A është Berisha një njeri i arrestuar nga SPAK-u? A ndodhet në ballkon dhe del çdo natë duke sulmuar Altin Dumanin, gjyqtarët e GJKKO-së, prokurorët e çështjes, si njerëz të Edi Ramës, të urdhëruar prej tij për ta arrestuar. Ndërkohë që Erion Veliaj ka dalë dhe ka folur dhe të tjerët me radhë, duke sulmuar Berishën, duke i thënë hajdut që duhet të hynte në burg se është me prova e të tjera.

Ndërkohë që sipas konceptit të Veliajt për Redi Mollën, për Taulant Tushën, Mariglen Qaton dhe drejtorët hajdutë të tij, duhet të kemi prezumim pafajësie. Po për doktorin pse nuk duhet të kemi prezumim pafajësie? Po për zyrtarët e tjerë të Partisë Socialiste se kërkon Redi Mollën dhe hajdutët e bashkisë, por ka lëshuar ish-zv.kryeministrin e Edi Ramës, të cilin e përdor për të kërcënuar shefin e tij.

Nga ana tjetër, Erion Veliaj sillet me dy standarde, jo vetëm te prezumimi i pafajësisë, por edhe te hajdutët e tij, bashkëpunëtorët, drejtorët e tij, që i dinte që bënin zullume, të paktën një vit më parë dhe nuk mori asnjë masë. Nuk i kontrolloi, nuk i frenoi, përkundrazi i qarkulloi dhe i ngriti në detyrë.

Ky është Erion Veliaj, i cili bashkohet me Berishën dhe këtë herë e bëri edhe me një qëndrim publik, sepse në të parin i sulmoi vëllain me dosje të konsumuara. Pas takimeve të fshehta me Gazment Bardhin në periferi të Tiranës, risolli edhe njëherë dosjen e Olsi Ramës dhe çoi edhe dokumente në SPAK.

Gjithë kjo u bë me qëllimin që Veliaj të hiqte vëmendjen e opinionit publik nga arrestimet e drejtorëve dhe të ta kalonte tek dosja e vëllait të Ramës. Tani del dhe kërcënon Ramën, nga ana tjetër vetë bashkëpunëtor dhe mbrojtës i Sali Berishës.

Pra janë dy fakte: dalja e dosjes së Ramës dhe teza e prezumimit të pafajësisë, që s'duhet të bëhet ende gjyqi publik për bashkëpunëtorët e tij hajdutë. /CNA 





Lajmet e fundit nga