web counter
LEXO PA REKLAMA!

SHKARKO APP

App Store
Google Play

Situata brenda PS-së/ Bardhi: Ka përçarje të fortë, Veliaj kërcënon Ramën

2024-04-06 13:46:00, Politikë CNA
Situata brenda PS-së/ Bardhi: Ka përçarje të fortë,
Gazment Bardhi

Kryetari i Grupit Parlamentarë të PD-së, Gazment Bardhi, në takim me demokratët e Beratit, u shpreh se ka një përçarje të fortë brenda Partisë Socialiste, e kjo sipas tij për shkak te pazareve dhe parave të korrupsionit.

Bardhi hodhi edhe akuza ndaj Veliajt dhe tha se është simboli i vjedhjes dhe abuzimit dhe doli sot me mesazhe kërcënuese ndaj Edi Ramës dhe Drejtësisë.

“Ne kishim një konflikt se kush ishte zgjidhja më e mirë për PD-në. Nuk u zumë as për karrige, as për të ndarë influenca, as për të ndarë para, as për të vjedhur para, ndërsa këta kanë nisur një luftë të brendshme se kush është më shumë hajdut, se kush duhet të shkojë më parë në burg apo se kush merr njëri-tjetrin ngjitur tek qelia e atyre që kanë shkuar të parët. Kur them kemi vit të vështirë e them se kemi përballje me hajdutërinë e ngritur në sistem dhe nga ana tjetër do duhet të krijojmë një alternativë bindëse, të ndershme dhe që shkon për qytetarët. Një alternativë jo thjesht që PD, të vijë në ne pushtet, por e vetmja zgjidhje që i ofrohet Shqipërisë", u shpreh Bardhi. 

Gazment Bardhi u ndal gjatë te Bashkia e Tiranës, ndërsa solli në vëmendje denoncimet për ndërtime pa leje në qendër të kryeqytetit nga disa biznesmenë.

Sot tha Bardhi, përkundrejt zotimeve të Kryeminsitrit Rama dhe Veliajt, jo vetëm nuk i ka çuar në burg, siç mund të kishte shkuar një qytetar i thjeshtë për vendosjen e një tjergulle, por u ka falur plot 2 milionë euro taksa, dhe u ka legalizuar ndërtimet./CNA 





Lajmet e fundit nga