web counter
LEXO PA REKLAMA!

SHKARKO APP

App Store
Google Play

Devis Osmani, ushtari i Rilindjes që drejton degën e PD-së/ Konfliktet me demokratët e Korçës

2022-09-06 18:35:00, Politikë CNA
Devis Osmani, ushtari i Rilindjes që drejton degën e PD-së/
Devis Osmani, kreu i degës së PD-së Korçë

Devis Osmani është kryetari i degës së Partisë Demokratike në Korçë, i cili është konfliktuar sot me Eduart Topallin, sekretarin e grupseksionit të kësaj partie.

Kjo nuk është hera e parë që mes tyre dhe anëtarëve të tjerë të PD-së së Korçës ka konflikte dhe debate.

Kjo pasi disa anëtarë të PD-së së Korçës kundërshtojnë mënyrën sesi Osmani po e drejton degën.

Më parë, CNA.al ka raportuar se vendimet e Devis Osmanit po dërgojnë drejt shkatërrimit degën e PD-së në Korçë.

Duke dalë hapur kundër degës qendrore të Partisë Demokratike, ai konstituoi një kryesi që qendra nuk e njeh.

Gjithashtu ai dështoi një protestë të paralajmëruar në 3 qershor kundër rritjes së çmimit të karburanteve.

Devis Osmani u zgjodh në krye të PD-së së Korçës, përmes manipulimeve dhe ndërhyrjeve të Niko Peleshit.

Siç ka raportuar CNA.al, ministri socialist, i cili është dhe drejtuesi politik i PS-së në qarkun e Korçës, bëri ç’ishte e mundur dhe arriti që përmes një procesi numërimi në errësirë të plotë, të vinte në krye të degës së PD-së Devis Osmanin.

Devis Osmani, ushtari i Rilindjes që drejton degën e PD-së/
Eduart Topalli dhe Devis Osmani

Përsa i përket konfliktit të sotëm, ku është goditur me shishe në kokë, Devis Osmani e ka mohuar ngjarjen.

Nga ana tjetër, CNA.al ka mësuar se Topalli e ka pranuar konfiktin, por ka shtuar se ka qenë Osmani ai që e ka goditur i pari dhe më pas ka reaguar ai.

Aktualisht, policia po merr në pyetje të dy drejtuesit lokalë të degës së PD-së së Korçës./ B.A. - CNA.al





Lajmet e fundit nga