web counter
LEXO PA REKLAMA!

SHKARKO APP

App Store
Google Play

Projektligjet për spiunët/ Balla kërkesë opozitës: Duhen bërë me urgjencë

2022-09-05 19:38:00, Politikë CNA
Projektligjet për spiunët/ Balla kërkesë opozitës:
Kreu i Grupit Parlamentar të PS-së, Taulant Balla

Kreu i Grupit Parlamentar të PS-së, Taulant Balla, ka kërkuar mbështetjen e opozitës për dy projektligjet e hartuara nga PS për bashkëpunëtorët e Sigurimit dhe ligjin e dekriminalizimit.

Balla tha se edhe spiunët janë kriminelë, ndaj pretendon se kalimi i ligjeve në Kuvend duhet bërë me urgjencë.

“Çështja e despiunizimit të politikës shqiptare është me rëndësi dhe mendoj që ngjitja e bashkëpunëtorëve të sigurimit të shtetit në të gjitha majat e piramidës shtetërore të Shqipërisë, kërkon reflektim nga kuvendi. Grupi i PS ka depozituar dy projektligjet që erdhën si propozim i Autoritetit të Dosjeve, kërkojmë edhe mbështetjen e opozitës. Kjo duhet bërë me urgjencë. Duam të marrim mbështetjen tuaj tek ligji i dekriminalizimit. Të shtojmë edhe përfshirjen e bashkëpunëtorëve të Sigurimit të shtetit. Kriminelë janë edhe ata. Është në nderin e PD-së që të mbështesë këtë projektligj. Të gjejmë frymën e bashkëpunimit. Është një nevojë urgjente edhe për të zgjedhur avokatin e popullit”, theksoi ai./ B.A. – CNA.al





Lajmet e fundit nga