TEC-i lundrues në Vlorë/ Leskaj: Katastrofë ekologjike, shteti do paguajë 63 mijë dollarë në ditë

2022-09-04 20:38:00, Politikë CNA

TEC-i lundrues në Vlorë/ Leskaj: Katastrofë ekologjike, shteti do

Deputeti i Partisë Demokratike, Bujar Leskaj

Për deputetin e Partisë Demokratike, Bujar Leskaj, ankorimi i dy TEC-eve lundruese në Vlorë për prodhimin e energjisë, është krim.

Kjo sepse sipas tij, TEC-et lundruese do të shkaktojnë një katastrofë të vërtetë ekologjike, njerëzore dhe ekonomike.

Leskaj pretendon se anijet që do mbërrijnë në Vlorë në datën 8 shtator dhe do përdoren për prodhimin e energjisë elektrike, do të shkaktojnë ndotje me djegien e naftës bruto.

Gjithashtu, ai deklaron në një status në rrjete sociale, se kostoja ekonomike është shumë e lartë dhe shteti do t’i paguajë kompanisë 63.000$ në ditë për 2 vjet.

“Sekti Rama ekzekuton krimin e radhës në Vlorë me TEC-et lundruese.

Në datën 8 shtator TEC-et lundruese në anije mbërrijnë në Vlorë.

TEC-i lundrues në Vlorë/ Leskaj: Katastrofë ekologjike, shteti do

Një katastrofë e vërtetë ekologjike, njerëzore e ekonomike për Vlorën, si rrjedhojë e ndotjes, e cila do të krijohet nga djegja e naftës bruto, pikërisht në gjirin turistik të Vlorës, duke asfiksuar industrinë e turizmit aty, duke ndotur ajrin, dëmtuar florën e faunën, duke zhdukur plazhet. Për të gjithë ata që e njohin Vlorën, Laguna e Nartës dhe Pylli i Sodës, dy pika të atraksionit turistik e ekonomik do të zhduken.

Kostoja ekonomike është shumë e lartë: shteti do t’i paguajë kompanisë 63.000 $ në ditë për 2 vjet.

Natyrisht këto para do të dalin nga xhepat e qytetarëve shqiptarë, të cilët do të varfërohen edhe më shumë.

Natyrisht që këtë ndotje të mjedisit, këtë dëm të turizmit, këtë korrupsion e shpërdorim sekti Rama përsëri do ta hedhë mbi shpinën e qytetarëve shqiptarë!

Turizëm pa sporte ujore!
5 Gusht, 19:51

Një skemë e ngjashme si me aferat korruptive dhe prokurimet publike që kryen sekti Rama.

Kësaj katastrofe, kësaj marrëzie, kësaj afere korruptive qytetarët e Vlorës dhe jo vetëm duhet t’i thonë ndal!

Prandaj është koha që të gjithë qytetarët e përgjegjshëm të Vlorës dhe jo vetëm, duhet që haptazi dhe pa rezerva të mbështesin shoqatat e ambientalistëve, intelektualët e angazhuar ose jo dhe shoqërinë civile, të cilat po ngrenë zërin duke sensibilizuar opinionin qytetar kundër një marrëzie të tillë:, thekson Leskaj./ B.A. – CNA.al