Pas Vuçiç, një tjetër lider do të mungojë në samitin e Procesit të Berlinit

2023-10-16 11:12:00, Kosova & Bota CNA

Pas Vuçiç, një tjetër lider do të mungojë

Sot në Tiranë po mbahet samiti i Procesit të Berlinit ku në tryezën e përbahskët do të ulen liderët e BE.

Në këtë takim do të ketë disa mungesa. Kryeministrja e Italisë, Giorgia Meloni nuk do të jetë e pranishme në samit.

Meloni ka dërguar zëvendës kryeministrin Antonia Tajani për të qenë sot në Tiranë për samitin.

Presidenti i Francës do të bëhet pjesë e samitit më vonë pas sulmeve terroriste në Francë ku u vra një mësues në veri të vendit.

Një tjetër mungesë është e Presidentit të Serbisë Alekasandër Vuçiç, i cli do të udhëtojë drejt Kinës, për të zhvilluar një takim ku prezent do të jetë edhe Presidenti i Rusisë Vladimit Putin.

Në vendin e tij, Vuçiç ka dërguar kryeministrja Ana Brnabiç.

Procesi i Berlinit është një iniciativë që synon rritjen e bashkëpunimit rajonal në Ballkanin Perëndimor dhe dhënien e ndihmës për integrimin e vendeve të BP në Bashkimin Evropian. Ai filloi dhe u prezantua në 28 Gusht 2014, nga kancelarja gjermane Angela Merkel. Qëllimet e Procesit u përshkruan në Deklaratën Përfundimtare nga Kryesia Gjerman:

“Të bëjmë progres shtesë real në procesin e reformës, në zgjidhjen e çështjeve të pazgjidhura bilaterale dhe të brendshme dhe në arritjen e pajtimit brenda dhe midis shoqërive në rajon”, si dhe të rrisim “bashkëpunimin ekonomik rajonal dhe të hedhim bazat për një rritje të qëndrueshme”, deklaroi Merkel asokohe.

Procesi i Berlinit po zhvillohet me mbështetjen e Komisionit Evropian, institucioneve financiare ndërkombëtare dhe shteteve anëtare të përfshira në Proces – Austri, Kroaci, Francë, Gjermani, Itali, Slloveni dhe Mbretëria e Bashkuar së bashku me vendet e Ballkanit Perëndimor. Ai është ndihmë shtesë e procesit institucional të integrimit në BE të shteteve, bazuar në miratimin e “acquis-communautaire”./ CNA