web counter
LEXO PA REKLAMA!

SHKARKO APP

App Store
Google Play

Groenlanda dhe Danimarka kërkojnë takim urgjent me Marco Rubio

2026-01-06 21:16:00, Kosova & Bota CNA

Groenlanda dhe Danimarka kërkojnë takim urgjent me Marco Rubio

Groenlanda dhe Danimarka kanë kërkuar një takim urgjent me Sekretarin e Shtetit të SHBA-së, Marco Rubio, për të diskutuar deklaratat e fundit të Donald Trump në lidhje me qëllimin e tij për të aneksuar ishullin Arktik, njoftoi sot ministri i jashtëm i Groenlandës.

"Qëllimi i takimit është të diskutohen deklaratat e rëndësishme të Shteteve të Bashkuara mbi Groenlandën. Deri më sot, Sekretari i Shtetit i SHBA-së, Marco Rubio, nuk ka qenë e mundur të takohet me qeverinë e Groenlandës. Kjo pavarësisht faktit se qeveria e Groenlandës dhe qeveria daneze kanë kërkuar, gjatë gjithë vitit 2025, një takim në nivelin e ministrave të jashtëm", njoftoi ministrja e Jashtme e Groenlandës, Vivian Motzfeldt.

Kërkesa për takim vjen pasi president ii Shteteve të Bashkuara të Amerikës ka përsëritur ditët e fundit se dëshiron të fitojë kontrollin e Grenlandës, një ide e shprehur për herë të parë në vitin 2019 gjatë presidencës së tij të parë, duke argumentuar se është jetike për ushtrinë amerikane dhe se Danimarka nuk ka bërë mjaftueshëm për ta mbrojtur atë.

Një operacion ushtarak amerikan gjatë fundjavës që solli arrestimin e udhëheqësit të Venezuelës ka ringjallur shqetësimet se Groenlanda mund të përballet me një skenar të ngjashëm. Groenlanda ka thënë vazhdimisht se nuk dëshiron të jetë pjesë e Shteteve të Bashkuara. /CNA





Lajmet e fundit nga