Raporti i Komisionit Europian/ Bardhi: Vlerëson situatën alarmante të krimit dhe korrupsionit

2023-11-08 15:29:00, Aktualitet CNA

Raporti i Komisionit Europian/ Bardhi: Vlerëson situatën alarmante

Kreu i grupit të PD-së, Gazment Bardhi

Kreu i grupit të PD-së, Gazment Bardhi ka reaguar pas raportit të Komisionit Europian.

Bardhi thekson se ky raport e nxjerr Shqipërinë e drejtuar nga kryeministri Edi Rama si vendin me sëmundje të rënda të demokracisë .

Ai shkruan se raporti konfirmon shqetësimet e drejta të opozitës për mungesën e lirisë në Parlament, për kufizimin e së drejtës kushtetuese për ngritjen e komisioneve hetimore, për përjashtimet arbitrare të deputetëve, për mungesën e përparimit në reformën zgjedhore.

Gjithashtu shprehet se e sheh të drejtë shqetësimin e Komisionit Europian për gjendjen e opozitës, prandaj është detyrim ajo të shndërrohet në një alterantivë qeverisëse.

“Shqipëria nuk plotëson asnjë standard europian politik, ekonomik dhe social. Skaneri i Komisionit Europian e nxjerr Shqipërinë e drejtuar nga Edi Rama si vendin me sëmundje të rënda të demokracisë.

Raporti konfirmon shqetësimet e drejta të opozitës për mungesën e lirisë në Parlament, për kufizimin e së drejtës kushtetuese për ngritjen e komisioneve hetimore, për përjashtimet arbitrare të deputetëve, për mungesën e përparimit në reformën zgjedhore.

Komisioni Europian vendos gishtin në plagë, kur vlerëson situatën alarmante të korrupsionit dhe krimit të organizuar. Niveli i Shqipërisë renditet nga Komisioni Europian poshtë mesatares në të dyja këto fusha jetike, sepse qeveria e Edi Ramës nuk ka në axhendë luftën serioze kundër krimit dhe korrupsionit. Përmes tyre, Edi Rama ble zgjedhjet dhe zgjat pushtetin e tij, që po rrënon çdo ditë shqiptarët.

Së fundi, e shoh të drejtë shqetësimin e Komisionit Europian për gjendjen e opozitës, prandaj është detyrim për ne që të shndërrohemi në një alternativë të besueshme qeverisëse, duke filluar më së pari në bërjen funksionale të opozitës. Sa më shpejt!”,deklaron Bardhi./ CNA