web counter
LEXO PA REKLAMA!

SHKARKO APP

App Store
Google Play

Rama batuta me të rinjtë në Korçë/ Unë me Nikon jemi të djegur, s’ka njeri që na i fut kodimin

2022-11-01 17:59:00, Aktualitet CNA
Rama batuta me të rinjtë në Korçë/ Unë me Nikon
Kryeministri Edi Rama

Kryeministri Edi Rama ka bërë batuta me të rinjtë e Korçës, me të cilët mes të tjerash ka bashkëbiseduar edhe për punësimet online.

Rama tha se teknologjia të jep mundësinë që pa lëvizur nga vendi, vetëm me një lidhje interneti dhe një kompjuter të punosh në gjithë botën.

Kreu i qeverisë deklaroi se këtë këshillë e jep për të rinjtë se për atë dhe kryebashkiakun e Korçës Niko Peleshin nuk ka njeri që ia fut kodimin.

“Nuk dua që të mbaj edhe unë një fjalim dhe kaq, por dua më shumë që të bëjmë bashkëbisedim. Meqënëse e kam përmendur Korçën kaq shumë për të rinjtë që në hije bëjnë punë për botën, mund të punojnë të pashqetësuar në botën dixhitale. Kushdo nga ju e ka këtë shembull për ta thënë le ta thotë. Tani ajo shyqyr që foli pas kaq vitesh dhe nuk i punon mikrofoni. Ndizjani mikrofonin. Ti i ke tejkaluar planet tona, sepse plani jonë është që ne t’u krijojmë mundësi të rinjve të punësohen. Disa bëjnë me shumë se 4 mijë dollarë në muaj me punë online. Ju duhet të kuptoni që Konica thoshte në Shqipëri të falin çdo gjë përveç suksesit.

Meqë këtu jam unë, pasi juve ju bënë meme, por juve nuk u njihte njeri, ndërsa për mua thoshin po ky nuk është në vete. Mos u qaj që ju kanë bërë meme, sepse tani do të thonë patronazhiste. Juve jo vetëm keni bërë këtë gjë me shumë kurajo dhe shpirt iniciative, por keni qenë edhe një shtysë domethënëse për ne. Teknologjia të jep mundësinë që pa lëvizur nga vendi, mjafton të kesh një lidhje internet dhe një kompjuter dhe të punosh në gjithë botën. Them për ju që i kapni shpejt, sepse unë me Nikon jemi të djegur në këtë pjesë, nuk ka njeri që na i fut kodimin”, theksoi Rama./ B.A. - CNA.al





Lajmet e fundit nga