web counter
LEXO PA REKLAMA!

SHKARKO APP

App Store
Google Play

E fundit!

x

Lumi Lana vë në “lëvizje” qeverinë/ Zbardhet vendimi

2023-11-08 19:10:00, Aktualitet CNA
Lumi Lana vë në “lëvizje” qeverinë/ Zbardhet
Foto ilustruese

Sot në mbledhjen e qeverisë, Këshilli i Ministrave ka miratuar në parim vendimin për marrëveshjen ndryshuese numër 1 të marrëveshjes së grantit mes Këshillit të Ministrave dhe Bankës Evropiane të Investimeve për projektin “Shtrati i lumit Lana – zhvillim urban”.

"VENDIM PËR MIRATIMIN, NË PARIM, TË MARRËVESHJES NDRYSHUESE NR.1 TË MARRËVESHJES SË GRANTIT, NDËRMJET KËSHILLIT   TË MINISTRAVE TË REPUBLIKËS SË SHQIPËRISË DHE BANKËS EVROPIANE TË INVESTIMEVE, PËR PROJEKTIN “SHTRATI  I LUMIT LANA – ZHVILLIM URBAN”, RATIFIKUAR  ME LIGJIN NR.64/2019

Në mbështetje të nenit 100 të Kushtetutës dhe të neneve 10 e 23, të ligjit nr.43/2016, “Për marrëveshjet ndërkombëtare në Republikën e Shqipërisë”, me propozimin e ministrit të Financave dhe Ekonomisë, Këshilli i Ministrave

VENDOSI:

Miratimin, në parim, të marrëveshjes ndryshuese nr.1 të marrëveshjes së grantit, ndërmjet Këshillit të Ministrave të Republikës së Shqipërisë dhe Bankës Evropiane të Investimeve, për projektin “Shtrati i lumit Lana – zhvillim urban”, ratifikuar me ligjin nr.64/2019, sipas tekstit që i bashkëlidhet këtij vendimi.

Ky vendim hyn në fuqi menjëherë", thuhet në njoftimin nga Kryeministria. 

Kujtojmë se në vitin 2019 në Kuvend u paraqitën dy projektligje të cilat lidheshin me zhvillimin urban të kryeqytetit.

Nëpërmjet këtyre projekligjeve synohej ratifikimi i marrëveshjes së grantit dhe të kredisë ndërmjet Këshillit të Ministrave të Republikës së Shqipërisë dhe Bankës Europiane të Investimeve, për Projektin e Zhvillimit Urban të Shtratit të Lumit Lana.

Kjo marrëveshje është firmosur nga Banka Europiane e Investimeve dhe Ministria e Financave dhe Ekonomisë, në muajin Korrik të 2019.

Financimi përfshin një vlerë prej 8 milionë euro kredi dhe 2.4 milionë euro grant./ CNA





Lajmet e fundit nga