web counter
LEXO PA REKLAMA!

SHKARKO APP

App Store
Google Play

Ish-ministri i Shëndetësisë, Ilir Beqaj, paraqitet në SPAK

2024-03-28 09:41:00, Aktualitet CNA
Ish-ministri i Shëndetësisë, Ilir Beqaj, paraqitet në SPAK
Ilir Beqaj

Të enjten, ish-ministri i Shëndetësisë, Ilir Beqaj, është paraqitur në Prokurorinë e Posaçme, i shoqëruar nga avokati i tij mbrojtës.

Ai është marrë zyrtarisht i pandehur për dosjen e koncesionit të "Sterilizimit", ndërsa më 18 mars iu komunikua edhe akuza "shpërdorim detyre".

Për sterilizimin janë marrë të pandehur edhe 8 të tjerë, ndërsa SPAK-u pritet të dorëzojë dosjen në GJKKO me kërkesën për nisjen e gjykimit.

8 të pandehurit janë: Saimir Kadiu, Marsela Serjanaj, Arben Gjata, Naile Ajazi, Genc Byrazeri, Petro Mersini, Klodian Rjepaj dhe Ilir Rrapaj.

Pas kallëzimit të bërë nga “Nisma Thurje” në dhjetor të vitit 2019, Prokuroria e Posaçme ka ngritur akuza ndaj 9 personave, si të përfshirë për veprat penale “falsifikim i dokumenteve”, “mashtrim” dhe “shpërdorim detyre”.

Pas hetimeve gjykata ka dhënë masat “arrest me burg” për ish-zv.ministrin e Shëndetësisë, Klodian Rjepaj dhe biznesmenin Ilir Rrapaj. Ky i fundit akuzohet për mashtrim. 

Ndërsa, Rjepaj akuzohet për “mashtrim”, “falsifikim i dokumenteve” dhe “shpërdorim detyre”./CNA 





Lajmet e fundit nga